રોનાલ્ડોની આગેવાની હેઠળની અલ-નાસરે સતત ૯૪ મૅચમાં ગોલ કરીને ૮૭ વર્ષ જૂનો રેકૉર્ડ તોડ્યો

સાઉદી પ્રો લીગની આ ક્લબ અલ-નાસરે આર્જેન્ટિનાની ક્લબ રિવર પ્લેટના અગાઉના રેકૉર્ડને પાછળ છોડી દીધો છે

રોનાલ્ડોની ટીમ અલ-નાસર

વિશ્વના હાઇએસ્ટ ગોલ-સ્કોરર ફુટબૉલર ક્રિસ્ટીઆનો રોનાલ્ડોની ટીમ અલ-નાસર ટૉપ-ફ્લાઇટ લીગની સતત ૯૪ મૅચોમાં ગોલ કરનારી પ્રથમ ટીમ બની છે. આ ટીમે ૮૭ વર્ષ જૂનો રેકૉર્ડ તોડ્યો છે. ૨૦૨૩ની ૮ ડિસેમ્બરથી અલ-નાસર દરેક લીગ મૅચમાં ઓછામાં ઓછો એક ગોલ કરી રહ્યું છે.

સાઉદી પ્રો લીગની આ ક્લબ અલ-નાસરે આર્જેન્ટિનાની ક્લબ રિવર પ્લેટના અગાઉના રેકૉર્ડને પાછળ છોડી દીધો છે. રિવર પ્લેટ ફુટબૉલ ટીમે સપ્ટેમ્બર ૧૯૩૬ અને જૂન ૧૯૩૯ વચ્ચે સતત ૯૩ લીગ મૅચોમાં ગોલ કર્યા હતા.