15 January, 2020 03:56 PM IST | Hobart
સાનિયા મિર્ઝા
ઇન્ડિયન ટેનિસ સ્ટાર પ્લેયર સાનિયા મિર્ઝાએ ગઈ કાલે જીત સાથે કમબૅક કર્યું છે. આ જીતને લીધે તેણે હોબાર્ટ ઇન્ટરનૅશનલની ક્વૉર્ટર ફાઇનલમાં એન્ટ્રી કરી લીધી છે. સાનિયાએ આ ટુર્નામેન્ટમાં યુક્રેનની પાર્ટનર નાદિયા કિચેનોક સાથે મળીને ઓકસાના કાલાશનિકોવા અને મિયુ કાટોની જોડીને ૨-૬, ૭-૬(૩), ૧૦-૩થી પરાજય આપ્યો હતો. આ પ્લેયરો વચ્ચેની મૅચ લગભગ ૧૦૦ મિનિટ કરતાં વધારે ચાલી હતી. શરૂઆતમાં સાનિયા અને નાદિયાની ગેમ સારી નહોતી રહી, પણ પછીથી તેમણે કમબૅક કરીને મૅચ પોતાના નામે કરી લીધી હતી. સાનિયા ઑક્ટોબર ૨૦૧૭માં છેલ્લે ટુર્નામેન્ટ રમી હતી. આ જોડીનો મુકાબલો હવે ફાઇનલમાં વેનિયા કિન્ગ અને ક્રિસ્ટિના મૅક્હૅલ સાથે થશે.