રોહિત શર્માને મેદાન પર જોઈને ફૅન્સ થયા ખુશ

ભારતીય વન-ડે કૅપ્ટન રોહિત શર્માએ ક્રિકેટના મેદાન પર પ્રૅક્ટિસ શરૂ કરી છે

રોહિત શર્મા

ઇન્ટરનૅશનલ ક્રિકેટ-કરીઅરને લઈને ચાલી રહેલી ચર્ચાઓ વચ્ચે ભારતીય વન-ડે કૅપ્ટન રોહિત શર્માએ ક્રિકેટના મેદાન પર પ્રૅક્ટિસ શરૂ કરી છે. ઑસ્ટ્રેલિયા સામેની વન-ડે સિરીઝ માટે તૈયારી કરતા રોહિત શર્માએ હાલમાં પોતાના બે ફોટો શૅર કર્યા છે. એક ફોટોમાં રોહિત શર્મા મેદાન પર દોડતો અને બીજામાં બૅટિંગ-પ્રૅક્ટિસ માટે પૅડ બાંધતો જોવા મળ્યો હતો. મુંબઈના આ સ્ટાર ક્રિકેટરની ફોટો-પોસ્ટ નીચે ખુશ થયેલા ફૅન્સે ‘૨૦૨૭ના વન-ડે વર્લ્ડ કપ માટે તૈયાર છે’, ‘તને મેદાન પર રમતો જોવા માટે આતુર છીએ’, ‘કિંગ ગર્જના માટે તૈયાર છે’ જેવી કમેન્ટ કરી હતી.