25 May, 2026 09:19 AM IST | Mumbai | Gujarati Mid-day Correspondent
પ્રભસિમરન સિંહ
પંજાબ કિંગ્સ માટે ૨૦૧૯થી રમનાર પચીસ વર્ષના પ્રભસિમરન સિંહે IPLમાં મોટો રેકૉર્ડ પોતાના નામે કર્યો છે. ઓપનર પ્રભસિમરન સિંહ બે IPL સીઝનમાં ૫૦૦ પ્લસ રન કરનાર પહેલો અનકૅપ્ડ એટલે કે ઇન્ટરનૅશનલ ક્રિકેટ ન રમનાર ખેલાડી બન્યો છે.
૨૦૨૫ની સીઝનમાં તેણે ૧૭ મૅચમાં ૧૬૦.૫૨ના સ્ટ્રાઇક-રેટથી ૫૪૯ રન કર્યા હતા. આ સીઝનમાં તેણે ૧૪ મૅચમાં ૧૬૮.૮૭ના સ્ટ્રાઇક-રેટથી ૬ ફિફ્ટી ફટકારીને ૫૧૦ રન કર્યા હતા. આ ટુર્નામેન્ટમાં પંજાબ માટે તેણે ૬૫ મૅચમાં એક સદી અને ૧૩ ફિફ્ટીની મદદથી ૧૮૧૫ રન કર્યા છે.
