વેસ્ટ ઇન્ડીઝ સામે પહેલા દિવસે શ્રીલંકા ૩૦૮ રને ઢેર થયું

શ્રીલંકાના કૅપ્ટન ધનંજય દ સિલ્વાએ પાંચમા ક્રમે રમીને ૧૬૮ બૉલમાં ૧૭ ફોરની મદદથી ૧૨૦ રન કર્યા હતા. ત્રીજા ક્રમે રમીને દિનેશ ચંદીમલે ૬૭ બૉલમાં ૫૪ રન અને સાતમા ક્રમે રમનાર સોનલ દિનુશાએ ૭૫ બૉલમાં ૪૩ રનનું યોગદાન આપ્યું હતું. 

ધનંજય દ સિલ્વાએ પોતાની ૧૩મી ટેસ્ટ-સેન્ચુરી ફટકારી ટીમની લાજ બચાવી.

યજમાન વેસ્ટ ઇન્ડીઝ અને શ્રીલંકા વચ્ચે હાલમાં બે ટેસ્ટ-મૅચની સિરીઝ શરૂ થઈ છે. ટૉસ હારીને પહેલા બૅટિંગ કરનાર શ્રીલંકાએ ૭૧.૫ ઓવરમાં ૩૦૮ રને તમામ વિકેટ ગુમાવીને પહેલી ઇનિંગ્સ સમાપ્ત કરી હતી. ૨૫.૫ ઓવરમાં અડધી ટીમ ૧૧૦ રનના સ્કોર પર તંબુભેગી થઈ ગઈ હતી. 
શ્રીલંકાના કૅપ્ટન ધનંજય દ સિલ્વાએ પાંચમા ક્રમે રમીને ૧૬૮ બૉલમાં ૧૭ ફોરની મદદથી ૧૨૦ રન કર્યા હતા. ત્રીજા ક્રમે રમીને દિનેશ ચંદીમલે ૬૭ બૉલમાં ૫૪ રન અને સાતમા ક્રમે રમનાર સોનલ દિનુશાએ ૭૫ બૉલમાં ૪૩ રનનું યોગદાન આપ્યું હતું. 
કૅરિબિયન ફાસ્ટ બોલર જસ્ટિન ગ્રીવ્સે ૧૧ ઓવરમાં ૩૯ રન આપીને ત્રણ વિકેટ લીધી હતી. અન્ય ફાસ્ટ બોલર્સ શમર જોસેફ, અલ્ઝારી જોસેફ, કેમાર રોચને બે-બે સફળતા મળી હતી.