તદ્દન દુર્લભ સફેદ અલ્બિનો હરણને પળવારમાં જ કૅમેરામાં કૅપ્ચર કરાયું

આ હરણની ખાસિયત એ છે કે તે અન્ય હરણ કરતાં કદમાં નાનું હોય છે અને સાઉથ ઇંગ્લૅન્ડના વિસ્તારોમાં વધુ દેખાય છે.

હરણ ની તસવીર

તદ્દન દુર્લભ એવું સફેદ અલ્બિનો હરણ ઇંગ્લૅન્ડના હૅમ્પશર ટાઉનમાં જંગલ અને રસ્તા પર દેખાયું હતું. રૉસ નામની ૩૬ વર્ષની વ્યક્તિ જેણે આ સફેદ હરણ જોયું તેણે જણાવ્યું કે આજથી પાંચ મહિના પહેલાં આ હરણ દેખાયું હતું, પણ તેનો ફોટો ક્લિક કરીએ એ પહેલાં જ એ ગાયબ થઈ ગયું હતું. ત્યારે હવે ફરી એક વખત જંગલમાં આ હરણ જોવા મળ્યું છે. આ હરણની ખાસિયત એ છે કે તે અન્ય હરણ કરતાં કદમાં નાનું હોય છે અને સાઉથ ઇંગ્લૅન્ડના વિસ્તારોમાં વધુ દેખાય છે. એ વ્યક્તિએ આ હરણ વિશે વધુ વાત કરતાં જણાવ્યું કે મેં પહેલાં ક્યારેય આવું જોયું નથી. હું છેલ્લાં ૨૫ વર્ષથી આ એરિયામાં રહું છું. મેં જ્યારે આ સફેદ હરણ જોયું ત્યારે મારા હાથમાં ફોન હોવાથી એના થોડા ફોટો ક્લિક કર્યા, પછી એ ત્યાંથી જતું રહ્યું. જો તમે કોઈને આ હરણનો ફોટો દેખાડ્યા વિના કશું કહેશો તો તેઓ નહીં માને.