માનો યા ન માનો, પણ ભારત-પાકિસ્તાન વચ્ચેની સીમાનું નામ સીમા હૈદર છે!

સીમા હૈદર ફરી એક વખત ચર્ચામાં આવી છે

સીમા હૈદર

પાકિસ્તાનથી આવેલી સીમા હૈદર કોઈ ને કોઈ કારણસર સોશ્યલ મીડિયા પર ચર્ચામાં રહે છે ત્યારે હવે એક વિદ્યાર્થીએ પરીક્ષામાં લખેલા જવાબને કારણે સીમા હૈદર ફરી એક વખત ચર્ચામાં આવી છે. આ વિદ્યાર્થીએ કંઈક એવો જવાબ આપ્યો હતો કે તેની ઉત્તરવહી હવે સોશ્યલ મીડિયામાં વાઇરલ થઈ રહી છે. એક સરકારી શાળામાં રાજનીતિ વિજ્ઞાનના પેપરમાં એવો સવાલ પુછાયો હતો કે ભારત-પાકિસ્તાન વચ્ચે કઈ સીમા છે? એની લંબાઈ કેટલી છે? એના જવાબમાં વિદ્યાર્થીએ લખ્યું કે બન્ને દેશો વચ્ચે સીમા હૈદર છે અને તેની લંબાઈ પાંચ ફુટ ૬ ઇંચ છે. બન્ને દેશ વચ્ચે આ બાબતે લડાઈ છે. મીડિયા-રિપોર્ટ્સ મુજબ આ ઘટના રાજસ્થાનના ધોલપુરની છે.