31 July, 2020 07:09 AM IST | Australia | Gujarati Mid-day Correspondent
વિશ્વનું ટૉલેસ્ટ જિરાફ
કોઈ નૉર્મલ કરતાં વધુ ઊંચો હોય તો આપણે કહીએ છીએ કે આ તો જિરાફ જેવો ઊંચો છે, પણ જો જિરાફમાં પણ સૌથી ઊંચું કોઈ હોય તો એ કેટલું ઊંચું હોય? ઑસ્ટ્રેલિયાના ક્વીન્સલૅન્ડના એક પ્રાણી સંગ્રહાલયમાં આવેલું ફૉરેસ્ટ નામનું જિરાફ સૌથી ઊંચું છે. આ વાતની જાહેરાત પ્રાણી સંગ્રહાલયની માલિકણ બિન્દી ઇરવિને સોશ્યલ મીડિયા પર કરી છે.
ઑસ્ટ્રેલિયાના ઝૂમાં રહેતું આ જિરાફ ૧૨ વર્ષનું છે અને હજી એની હાઇટ વધી જ રહી છે એટલે બની શકે કે થોડા સમયમાં એની હાઇટ હજી વધુ થાય અને પોતાનો જ કીર્તિમાન તે ખુદ તોડે. હાલમાં જીવિત જિરાફના વિશ્વમાં ફૉરેસ્ટને સૌથી ઊંચું ગણવામાં આવ્યું છે. આ ઝૂમાં જિરાફનું સંવર્ધન કરવામાં આવે છે. ફૉરેસ્ટ જિરાફ ૧૦ સંતાનોનો પિતા ઑલરેડી બની ચૂક્યું છે અને એનું એક બચ્ચું ટૂંક સમયમાં જન્મ લે એવી સંભાવના છે.