✕

જપાનના રેલવે-સ્ટેશન પર નોકરીએ રખાયેલી બે બકરીઓને રિટાયર કરી દેવામાં આવી

21 November, 2026 12:43 PM IST  |  Mumbai | Gujarati Mid-day Correspondent

આ સમાચાર પછી કૉર્પોરેટ વર્લ્ડમાં અનેક મીમ્સ ફરી રહ્યા છે કે સમય કરતાં વહેલો ટાર્ગેટ પૂરો કરવાથી પ્રમોશન નહીં, રિટાયરમેન્ટ પણ મળી શકે છે.

જપાનના રેલવે-સ્ટેશન પર નોકરીએ રખાયેલી બે બકરીઓને રિટાયર

જપાનના સેન્ટ્રલ ટોક્યોના યોત્સુયા નામના રેલવે-સ્ટેશન પર ઊગી રહેલાં નીંદણને સાફ કરવા માટે માણસોને બદલે બે બકરીઓને નોકરીએ રાખવામાં આવી હતી. આ બકરીઓ ૩ મહિનાની ટ્રાયલ પર હતી, પરંતુ આ બકરીઓએ એટલું સારું કામ કર્યું કે તેમણે નીંદણ માત્ર ૬ વીકમાં ઝાપટી લીધું. આ બકરીઓને કારણે યોત્સુયા સ્ટેશન પણ ખૂબ ફેમસ થયું હતું. અહીં પ્રવાસીઓ ખાસ બકરીઓને જોવા ઊતરતા હતા. એમની સાથે બાળકો રમતાં હતાં અને વિડિયો-ફોટો પાડીને સોશ્યલ મીડિયા પર શૅર કરતાં હતાં. જોકે આ બકરીઓએ મોટાભાગનું લીલું ઘાસ અને નીંદણ સફાચટ કરી નાખ્યું હોવાથી તેમના માટે કંઈ કામ બચ્યું જ નથી. કામ વિના નોકરીએ રાખવાનું પોસાય એમ ન હોવાથી રેલવે-પ્રશાસને બકરીની જોડીને વહેલી રિટાયર કરી દીધી હતી. હવે તેમને ફરીથી ૨૦૨૭માં નવું લીલું ઘાસ આવશે ત્યારે હાયર કરવામાં આવશે. આ સમાચાર પછી કૉર્પોરેટ વર્લ્ડમાં અનેક મીમ્સ ફરી રહ્યા છે કે સમય કરતાં વહેલો ટાર્ગેટ પૂરો કરવાથી પ્રમોશન નહીં, રિટાયરમેન્ટ પણ મળી શકે છે.

jobs and career career and jobs jobs in india jobs government jobs japan tokyo