એક મિનિટમાં જ ૮૯ વાર પેટના મસલ્સને ફેરવવાનો વર્લ્ડ રેકૉર્ડ

ઇટલીના રેકૉર્ડ શોમાં નતાશાએ એક મિનિટમાં ૮૯ વાર મસલ્સ ફેરવીને ગિનેસ વર્લ્ડ રેકૉર્ડ પોતાના નામે કરી લીધો છે.

નતાશા કોરોકિના

પેટના મસલ્સને તમે ઇચ્છો એ મુજબ ફેરવી શકો એવી યૌગિક પદ્ધતિઓ ભારતીય પૌરાણિક શાસ્ત્રોમાં છે. જોકે પશ્ચિમના દેશો એને એક શારીરિક સ્કિલ તરીકે વિકસાવી રહ્યા છે. ખાસ કરીને બેલી ડાન્સરો એનો ઉપયોગ કરે છે. તાજેતરમાં ઇટલીના મિલાનમાં એક શો દરમ્યાન નતાશા કોરોકિના નામની યુવતીએ પેટના સ્નાયુઓને સમુદ્રનાં મોજાંની જેમ ઉપર-નીચે ફેરવવાનું કરતબ કરવાનો વિશ્વવિક્રમ બનાવ્યો હતો. નતાશા મૂળ યુક્રેનની છે અને તે અવ્વલ દરજ્જાની બેલી ડાન્સર છે. ઇટલીના રેકૉર્ડ શોમાં નતાશાએ એક મિનિટમાં ૮૯ વાર મસલ્સ ફેરવીને ગિનેસ વર્લ્ડ રેકૉર્ડ પોતાના નામે કરી લીધો છે.