10 March, 2026 02:16 PM IST | Andhra Pradesh | Gujarati Mid-day Correspondent
પ્રતીકાત્મક તસવીર
આંધ્ર પ્રદેશમાં સમરલકોટામાં એક ખાલી પડેલા ઘરનું લાઇટનું બિલ જોઈને પરિવાર હેબતાઈ ગયો હતો. દુસારી દુર્ગા નામના શહેરમાં એક હાઉસિંગ કૉલોનીમાં આવેલા બંધ ફ્લૅટનું વીજળીનું બિલ ૧.૯૯ કરોડ રૂપિયા આવ્યું હતું. પરિવાર ઘણા સમયથી એ ઘરમાં રહેતો નહોતો એટલે એ એમ જ બંધ પડ્યું હતું. જ્યારે પરિવારને બિલની રકમની ખબર પડી એટલે તેમણે વીજળી વિભાગમાં ફરિયાદ કરી. ઇલેક્ટ્રિસિટી પ્રોવાઇડ કરતી કંપનીએ તપાસ કરી તો ખબર પડી કે તાજેતરમાં જ એ વિસ્તારમાં નવાં વીજળીનાં મીટર લગાવવામાં આવ્યાં હતાં. મીટર લગાવતી વખતે સિસ્ટમમાં ટેક્નિકલ ખામીને કારણે બિલની રકમ વધુપડતી દેખાઈ હતી. મીટરની તપાસ કરતાં ખબર પડી કે તેમનું બિલ માત્ર ૧૪૭ રૂપિયા જ હતું.
