એક વર્ષ પહેલાં મૃત્યુ પામેલી મહિલાનું હાડપિંજર તેના જ ઘરમાંથી મળી આવ્યું

બૅન્ગલોરના બાગાલગુંટે વિસ્તારમાં ૫૭ વર્ષની દક્ષાયણીનું હાડપિંજર તેના ઘરમાંથી મળી આવ્યું છે. પોલીસના અનુમાન મુજબ મહિલાનું મૃત્યુ લગભગ એક વર્ષ પહેલાં થયું હતું અને તે એકલી રહેતી હોવાથી લાંબા સમય સુધી કોઈને જાણ થઈ નહોતી.

એક વર્ષ પહેલાં મૃત્યુ પામેલી મહિલાનુંહાડપિંજર તેના જ ઘરમાંથી મળી આવ્યું

બૅન્ગલોરના બાગાલગુંટે વિસ્તારમાં ૫૭ વર્ષનાં દક્ષાયણી નામનાં બહેનનું હાડપિંજર તેમના જ ઘરમાંથી મળી આવ્યું હતું. પોલીસને શંકા છે કે આ મહિલાનું મૃત્યુ લગભગ એક વર્ષ પહેલાં થઈ ચૂક્યું હોવું જોઈએ. આટલા લાંબા સમય સુધી કોઈને એની ભનક પણ ન આવી એ અચંબાનો વિષય છે. તે પતિ અને દીકરાના મૃત્યુ પછી ઘરમાં એકલી જ રહેતી હતી. આ ઘરની નજીકથી ગંદી સ્મેલ આવી રહી હોવાથી પાડોશીઓએ પોલીસમાં જાણ કરી હતી. પાડોશીઓનું કહેવું છે કે આ મહિલા એકલી જ અહીં રહેતી હતી અને કોઈની સાથે ખાસ હળતી-ભળતી નહોતી. તેની દીકરી સાથે પણ તેણે છેલ્લાં બે વર્ષથી વાત નહોતી કરી. તે જીવે છે કે નહીં એની દરકાર કરવાવાળું કોઈ નહોતું એટલે કદાચ આટલા લાંબા સમય સુધી કોઈને ખબર ન પડી હોય એવું શક્ય છે.