કાલિદાસના મેઘદૂત કાવ્યથી પ્રેરિત કાળું વાદળું ઇન્સ્ટૉલ કરવામાં આવ્યું બૅન્ગલોરના ઍરપોર્ટ પર

બૅન્ગલોર ઍરપોર્ટ પરનું કાળું વાદળ આ ક્લાસિક સાહિત્યને જીવંત કરવાનું કામ કરે છે.

ઇન્સ્ટૉલેશન ‘મેઘદૂત’

બૅન્ગલોરના ઍરપોર્ટ પર આર્ટ ઇન્સ્ટૉલેશન ‘મેઘદૂત’ મૂકવામાં આવ્યું છે. ઇન્ટરનૅશનલ ઍરપોર્ટના ટર્મિનલ-ટૂ પર રાખવામાં આવેલું આ જાયન્ટ કાળું વાદળું આર્ટિસ્ટ શાંતામણિ મુદ્દેયાએ બનાવ્યું છે. મેઘદૂતનો મતલબ થાય ક્લાઉડ મેસેન્જર. હિમાલયમાં એક યક્ષ પોતાની પત્નીના વિયોગથી તરસતો હોય છે અને આકાશમાં ઉપરથી પસાર થઈ રહેલાં કાળાં ડિબાંગ વાદળાંઓને પ્રેમનો સંદેશ આપે છે અને કહે છે કે તેની પ્રિયતમાને આ સંદેશો જઈને કહેજે. બૅન્ગલોર ઍરપોર્ટ પરનું કાળું વાદળ આ ક્લાસિક સાહિત્યને જીવંત કરવાનું કામ કરે છે. એમાં લાકડીમાંથી બનેલા કોલસા, કૉટન અને કાર્બન ફાઇબર્સનો ઉપયોગ કરવામાં આવ્યો છે.