07 September, 2019 10:17 AM IST |
96 વર્ષના દાદાજીએ 48 મિનિટમાં 42 મીટર ઊંડી ડૂબકી લગાવી
બીજા વિશ્વયુદ્ધમાં લડી ચૂકેલા પૂર્વસૈનિક રે. વુલેએ તેમના ૯૬મા જન્મદિવસની ઊજવણી અનોખી રીતે કરી અને તેમણે પોતાનો જ રેકૉર્ડ તોડી બતાવ્યો હતો. ૨૮ ઑગસ્ટે તેમણે અન્ય ૪૭ ડાઇવરોની સાથે ડૂબકી લગાવી હતી. આ વખતે તેઓ ૪૮ મિનિટમાં ૪૨.૪ મીટર ઊંડી ડૂબકી લગાવીને પાછા આવ્યા હતા. આટલી મોટી વયે સ્નૉર્કેલિંગ કરવાનું એ જબરું સાહસ છે. જોકે ૭૫ વર્ષની વય પછી તો તેમને સમુદ્રમાં ડૂબકી લગાવીને ફરવાનું બહુ જ ગમવા લાગ્યું હતું.
આ પણ વાંચો : દિલ્હીની રેસ્ટોરાંમાં પિરસાય છે આર્ટિકલ 370 થાળી, જાણો શું છે ખાસ
ત્રણેક વર્ષ પહેલાં તેમણે ૪૪ મિનિટમાં ૪૦.૬ મીટર ઊંડે સુધીની ડૂબકી મારી હતી. આ વખતે તેમણે પોતાનો જ રેકૉર્ડ તોડીને ૪૨.૪ મીટર ઊંડી ડૂબકીનો નવો રેકૉર્ડ પોતાના નામે કરી લીધો છે. તેમના સાહસો પર હવે ડૉક્યુમેન્ટરી ફિલ્મ બની છે જેનું નામ છે ‘લાઇફ બિગિન્સ ઍટ ૯૦’.