જિરાફના અનાથ નવજાત બચ્ચાંને ડૉગીએ દત્તક લીધું

જિરાફના અનાથ નવજાત બચ્ચાંને ડૉગીએ દત્તક લીધું

જુઓ જિરાફ અને ડૉગી વચ્ચે મિત્રતા

સાઉથ આફ્રિકાની વાઇલ્ડલાઇફ સેન્ક્ચુરીમાં એક નવજાત જિરાફ અધિકારીઓને મળી આવ્યું હતું. જન્મને હજી માંડ બે જ દિવસ થયાં હોય એવું હતું. તેને લિમ્પોપો પ્રાંતના રાયનો ઑર્ફનએજમાં લાવવામાં આવ્યું. એ વખતે બચ્ચું કોમામાં સરી પડેલું હતું. જંગલી પ્રાણીને તેના જેવા જ કોઈ બીજા પ્રાણીની ઓથ મળવી જરૂરી હતી. અભયારણ્યના અધિકારીઓએ જિરાફબાળને શિકાર ન કરતા હોય એવા શ્વાનોની વચ્ચે રાખતાં એક શ્વાને બહુ સહજતાથી તેની સાથે કાળજીભર્યું વર્તન શરૂ કરી દીધું હતું. જિરાફબાળનું નામ પાડવામાં આવ્યું જૅઝ.

આ પણ વાંચો : સ્વીડનમાં ચપોચપ વેચાય છે ગટરના પાણીમાંથી બનાવેલી બિયર

શ્વાનને આ જૅઝ સાથે એવી માયા બંધાઈ હતી કે એ કોમામાંથી બહાર ન આવ્યું ત્યાં સુધી તેણે ખાવાનું પણ છોડી દીધું હતું. ત્યારે જૅઝનું સ્વાસ્થ્ય રિકવરી પર છે. શ્વાન અને જૅઝ બન્ને સાથે જ ખાય છે, પીએ છે અને રમે છે. જોકે એક વાર જિરાફ સાજું થઈ જાય એ પછી એને ફરીથી જંગલમાં છોડી આવવામાં આવશે.