હેલિકૉપ્ટર પર ઊભાં રહીને ૮૦ વર્ષની દાદીએ ટૉમ ક્રૂઝ સ્ટાઇલમાં મનાવ્યો જન્મદિવસ

ઇંગ્લૅન્ડમાં રહેતાં જેની થર્ગટ નામનાં ૮૦ વર્ષનાં માજીએ પોતાનો જન્મદિવસ ઊજવવા માટે એક સ્ટન્ટ પર્ફોર્મ કર્યો હતો

માજી એક હેલિકૉપ્ટરની છત પર થાંભલા સાથે શરીર બાંધીને ઊભાં રહી ગયાં અને પછી હેલિકૉપ્ટર હવામાં ઊડ્યું

ઇંગ્લૅન્ડમાં રહેતાં જેની થર્ગટ નામનાં ૮૦ વર્ષનાં માજીએ પોતાનો જન્મદિવસ ઊજવવા માટે એક સ્ટન્ટ પર્ફોર્મ કર્યો હતો. જેની એક હેલિકૉપ્ટરની છત પર થાંભલા સાથે શરીર બાંધીને ઊભાં રહી ગયાં અને પછી હેલિકૉપ્ટર હવામાં ઊડ્યું. હવામાં ૧૩૦ કિલોમીટર પ્રતિ કલાકની ઝડપે દોડતા હેલિકૉપ્ટર પર દાદીની નાજુક ત્વચા ચીરાઈ જાય એટલો પવન હતો, પણ દાદીએ ખૂબ જ આનંદપૂર્વક થ્રિલ માણી. જેની કહે છે મારું શરીર ઍથ્લીટ જેવું મજબૂત નથી, પરંતુ મને લાગે છે કે શરીર-મનને ડર લાગે અને થ્રિલ અનુભવાય એવા જોખમમાં મૂકીએ તો જ જીવન જીવવાની મજા છે. જેનીએ આ પ્રયોગ પછી હવે નક્કી કર્યું છે કે તેઓ જીવશે ત્યાં સુધી દરેક જન્મદિવસે આવો અખતરો કરશે.