મમ્મી બહેનપણી સાથે મૅટરનિટી શૂટ કરાવતી રહી અને ૩ વર્ષનો દીકરો તળાવમાં ડૂબી ગયો

બૅન્ગલોરમાં સ્વાતિ નામની મહિલા તેની ફ્રેન્ડના મૅટરનિટી શૂટ માટે એક સ્ટુડિયો પર ગઈ હતી.

પ્રતીકાત્મક તસવીર

બૅન્ગલોરમાં સ્વાતિ નામની મહિલા તેની ફ્રેન્ડના મૅટરનિટી શૂટ માટે એક સ્ટુડિયો પર ગઈ હતી. એ વખતે તેણે ૩ વર્ષના દીકરાને પણ સાથે લીધો હતો. આ અલગ-અલગ થીમનું બૅકગ્રાઉન્ડ ધરાવતો રિસૉર્ટ જેવો સ્ટુડિયો હતો. અહીં કુદરતી દેખાય એવું આર્ટિફિશ્યલ તળાવ પણ બનાવવામાં આવ્યું હતું. સ્ટુડિયો પર પહોંચ્યા પછી સ્વાતિ તેની દોસ્તના ફોટોશૂટમાં વ્યસ્ત થઈ ગઈ અને પંદરેક મિનિટ પછી યાદ આવ્યું કે દીકરો આસપાસમાં ક્યાંય દેખાતો નથી. તરત જ બાળકની શોધ આરંભાઈ અને થોડી જ ક્ષણોમાં સ્ટુડિયોમાં બનાવેલા કૃત્રિમ તળાવમાં બાળકનું શરીર તરતું જોવા મળ્યું હતું. ફોટોશૂટ જ્યાં થતું હતું એની થોડે જ દૂર આ તળાવ હતું, પરંતુ બાળકને એ તરફ જતું ન તો તેની માએ જોયું કે શૂટ કરનારા ક્રૂએ. જ્યારે બાળકની યાદ આવી ત્યારે ઘણું મોડું થઈ ગયું હતું.