સરકારે રેલવે-કર્મચારીઓને ૭૮ દિવસનું બોનસ આપવાની જાહેરાત કરી

કૅબિનેટે પાંચ સામાજિક સહાય યોજનાઓનાં નામ બદલવાનો પણ અત્યંત મહત્ત્વપૂર્ણ નિર્ણય લીધો હતો જેમાં ભૂતપૂર્વ વડાં પ્રધાન ઇન્દિરા ગાંધીના નામવાળી ત્રણ પેન્શન યોજનાઓમાંથી તેમનું નામ હટાવીને એમાં પ્રધાનમંત્રી શબ્દ જોડવામાં આવ્યો હતો. રાષ્ટ્રીય સામાજિક સહાયતા કાર્યક્રમ હવે પ્રધાનમંત્રી સામાજિક સહાયતા યોજના તરીકે ઓળખાશે. વૃદ્ધાવસ્થા, વિધવા અને દિવ્યાંગજન પેન્શન યોજનાઓમાંથી ઇન્દિરા ગાંધીનું નામ દૂર કરીને તેમને પ્રધાનમંત્રી પેન્શન યોજનાઓ તરીકે ઓળખાશે. 

દિવ્યાંગોના પેન્શનના નિયમોમાં મોટા ફેરફાર

દિવ્યાંગોના પેન્શન નિયમોમાં પણ મોટો ફેરફાર કરાયો હતો જે મુજબ હવે ૧૮ વર્ષની ઉંમરને બદલે જન્મથી જ દિવ્યાંગ બાળકોને પેન્શનનો લાભ મળશે. આ માટે દિવ્યાંગતાની પાત્રતા-મર્યાદા પણ ૮૦ ટકાથી ઘટાડીને ૪૦ ટકા કરી દેવામાં આવી છે જેથી વધુ જરૂરિયાતમંદ લોકોને સીધો ફાયદો મળી શકે અને આગામી પાંચ વર્ષ માટે ૫૩,૪૨૮ કરોડ રૂપિયાનો ખર્ચ મંજૂર કરાયો છે.