12 May, 2023 10:18 AM IST | Mumbai | Gujarati Mid-day Online Correspondent
પ્રતીકાત્મક તસવીર
મે મહિનામાં ગરમીનો પ્રકોપ વધી રહ્યો છે. દિલ્હી સહિત દેશના અનેક વિસ્તારમાં તાપમાનનો પારો હાઈ જોવા મળી રહ્યો છે. બંગાળથી બિહાર જેવા કેટલાક રાજ્યમાં હિટવેવની સ્થિતિ બનેલી છે. તો બીજી બાજુ ચક્રવાતી તૂફાન મોકા(Mocha Cyclon)પણ માથે મંડરાઈ રહ્યું છે. જાણી દેશભરમાં મોસમની શું સ્થિતિ છે.
આજે એટલે કે 12 મેએ મધ્ય બંગાળની ખાડી ઉપર તૂફાન બપોર સુધીમાં ભયાનક વાવાઝોડામાં પરિવર્તિત થશે.ત્યાર બાદ આ તૂફાન ઉત્તર-પૂર્વ દિશા તરફ વળી શકે છે. તૂફાન પૂર્વી બાંગ્લાદેશ અને ઉત્તરી મ્યાંમાર તટ તરફ આગળ વધશે. જેના કારણે કેટલાક રાજ્યોમાં જોરદાર પવન ફૂંકાશે અને વરસાદની પણ સંભાવના છે. મોકા ચક્રવાત (Mocha Cyclon)બાંગ્લાદેશ અને મ્યાનમારના સરહદી વિસ્તારોમાં લેન્ડફોલ કરશે. 14મીએ કોક્સ બજાર (Bangladesh) અને ક્યોકપ્યુ (Myanmar) વચ્ચે કોઈ પણ જગ્યાએ ત્રાટકી શકે છે.
આ પણ વાંચો: Mocha Cyclone: બંગાળની ખાડીમાંથી પસાર થનાર આ તોફાન ભારત માટે કેટલું ઘાતકી હશે!
ઓડિશા અને પશ્ચિમ બંગાળની ભારતીય તટરેખા તૂફાનથી સુરક્ષિત અંતર પર હશે અને ભૂમિ પર કોઈ હાનિકારક ગતિવિધિના એંધાણ નથી. જોકે આ રાજ્યોના તટ પર સમુદ્રની સ્થિતિ બહુ ખરાબ થઈ શકે છે. ભૂમાફિયા સાથે ટકરાયા બાદ તૂફાન 14 અને 15 મે 2023ના રોજ ત્રિપુરા અને મિઝોરમમાં ભારે વરસાદનું કારણ બની શકે છે.
`મોકા` નામ કેવી રીતે પડ્યું?
નોંધનીય છે કે, આ શક્તિશાળી તોફાનને મધ્ય પૂર્વ એશિયાના દેશ યમન દ્વારા `મોકા` નામ આપવામાં આવ્યું છે. મોકા યમનનું એક શહેર છે, જેને મોખા તરીકે પણ ઓળખવામાં આવે છે. આ શહેર કોફીના વેપાર માટે જાણીતું છે. `મોકા કોફી`નું નામ પણ આના પરથી રાખવામાં આવ્યું હતું.