03 August, 2025 06:55 AM IST | Paris | Gujarati Mid-day Correspondent
માઇકલ જૅક્સન અને તેમના ડાઘાવાળાં જૂનાં મોજાં
ફ્રાન્સમાં ૩૦ જુલાઈએ યોજાયેલા એક ઑક્શનમાં માઇકલ જૅક્સને ૧૯૯૭ની કૉન્સર્ટમાં પહેરેલાં ડાઘાવાળાં જૂનાં મોજાં વેચાવા માટે મુકાયાં હતાં. આ મોજાં સફેદ રંગનાં હતાં અને એમાં રાઇનસ્ટોન જડેલા હતા. વર્ષો સુધી પડી રહેવાને કારણે એમાં પીળા ડાઘા પડી ગયા છે. જોકે એ પછી પણ માઇકલ જૅક્સનના ચાહકોએ એ ખરીદવા માટે પડાપડી કરી હતી. હિસ્ટરી વર્લ્ડ ટૂર પર્ફોર્મન્સ આપ્યા બાદ આ મોજાં તેના ડ્રેસિંગ-રૂમમાં કચરામાં નાખી દેવામાં આવ્યાં હતાં, પરંતુ તેના ટેક્નિશ્યનોએ એ અલગ કાઢીને સાચવી રાખ્યાં હતાં. એક ચાહકે આ પીળાં પડી ગયેલાં મોજાંની જોડી ૭૬૮૮ યુરો એટલે કે લગભગ ૭.૭૫ લાખ રૂપિયામાં ખરીદી લીધી હતી.