ત્રણ રાજ્યો અને બે કેન્દ્રશાસિત પ્રદેશોમાં ફાઇનલ મતદારયાદી પ્રકાશિત

રાજસ્થાનમાં ૫.૧૫ કરોડ, છત્તીસગઢમાં ૧.૮૭ કરોડ અને કેરલામાં ૨.૬૯ કરોડ વોટર્સ: તામિલનાડુ અને મધ્ય પ્રદેશમાં ૨૩ ફેબ્રુઆરીએ ફાઇનલ લિસ્ટ બહાર પડશે

પ્રતીકાત્મક તસવીર

૧૨ રાજ્યો અને કેન્દ્રશાસિત પ્રદેશમાં ચૂંટણીપંચ દ્વારા સ્પેશ્યલ ઇન્ટેન્સિવ રિવિઝન (SIR)નો બીજો તબક્કો અંતિમ ચરણમાં છે. શનિવારે રાજસ્થાન, છત્તીસગઢ અને કેરલામાં ફાઇનલ મતદારયાદી પ્રકાશિત કરવામાં આવી હતી. રાજસ્થાનમાં ૫.૧૫ કરોડ, છત્તીસગઢમાં ૧.૮૭ કરોડ અને કેરલામાં ૨.૬૯ કરોડ મતદારોનાં નામ ફાઇનલ મતદારયાદીમાં છે. કેન્દ્રશાસિત પ્રદેશ ગોવામાં SIR પછી ૧૦.૫૭ લાખ અને આંદામાન અને નિકોબાર દ્વીપસમૂહમાં ૨.૫૮ લાખ મતદારો યાદીમાં છે.

આ પહેલાં લક્ષદ્વીપ, પૉન્ડિચેરી અને ગુજરાતની મતદારયાદી બહાર પડી હતી એટલે અત્યાર સુધીમાં કુલ ૮ રાજ્યોની મતદારયાદી બહાર આવી ચૂકી છે. તામિલનાડુ અને મધ્ય પ્રદેશમાં ૨૩ ફેબ્રુઆરીએ મતદારયાદી બહાર પડશે. 

અત્યાર સુધીમાં SIRની ફાઇનલ યાદીમાં કુલ મતદારોની સંખ્યા 

રાજસ્થાન : ૫,૧૫,૧૯,૯૨૯; છત્તીસગઢ : ૧,૮૭,૩૦,૯૧૪; ગુજરાત: ૪,૪૦,૩૦,૭૨૫; કેરલા : ૨,૬૯,૫૩,૬૪૪; ગોવા : ૧૦,૫૭,૫૬૬; પૉન્ડિચેરી : ૯,૪૪,૨૧૧; આંદામાન અને નિકોબાર દ્વીપસમૂહ : ૨,૫૮,૦૪૦; લક્ષદ્વીપ : ૫૭,૬૦૭