10 October, 2026 11:02 AM IST | Vrindavan | Gujarati Mid-day Correspondent
ફલાહારી બાબા
શ્રી કૃષ્ણ જન્મભૂમિ સંઘર્ષ ટ્રસ્ટના પ્રમુખ દિનેશ શર્મા ઉર્ફે ફલાહારી મહારાજે વિરાટ કોહલી વિશે જે નિવેદન આપ્યું હતું એ મુદ્દે માફી માગી લીધી છે. તેમણે આરોપ લગાવ્યો હતો કે વૃંદાવનના સંત પ્રેમાનંદ મહારાજના આશ્રમમાં વિરાટ કોહલી અને અનુષ્કા શર્માને લાવવા માટે રાજસ્થાનની એક કંપનીએ ક્રિકેટર દંપતીને પાંચ કરોડ રૂપિયા આપ્યા હતા. વિરાટ કોહલીએ તમામ આરોપોને નિરાધાર, પાયાવિહોણા અને સત્યથી વેગળા ગણાવીને ફગાવી દીધા હતા. આ મુદ્દે વિવાદ વધ્યા બાદ ફલાહારી બાબાએ માફી માગી લીધી છે. આ મુદ્દે તેમણે કહ્યું હતું કે ‘વૃંદાવનના બધા સંતો મારા માટે પૂજનીય છે અને મને હંમેશાં સંત પ્રેમાનંદ મહારાજ પ્રત્યે આદર રહ્યો છે. મારા નિવેદનથી પ્રેમાનંદ મહારાજને દુઃખ થયું હશે જેના માટે હું માફી માગું છું.’
