13 July, 2026 09:54 PM IST | Washington | Gujarati Mid-day Online Correspondent
ડોનાલ્ડ ટ્રમ્પ (ફાઇલ તસવીર)
અમેરિકાના રાષ્ટ્રપતિ ડોનાલ્ડ ટ્રમ્પે હોર્મુઝ સ્ટ્રેટ અંગે એક નવી જાહેરાત કરી છે. તેમણે જણાવ્યું હતું કે આ મહત્ત્વપૂર્ણ દરિયાઈ માર્ગ જ ખુલ્લો રહેશે અને અમેરિકા હવે તેની સુરક્ષાની જવાબદારી લેશે. ટ્રમ્પે આ વિસ્તારમાં ‘ઈરા માટે નાકાબંધી’ ફરીથી લાદવાની પણ જાહેરાત કરી. જો આવું થાય તો ઈરાની જહાજો અને તેના ગ્રાહકોના જ આ સામુદ્રધુનીમાંથી પસાર થવા પર પ્રતિબંધ મૂકવામાં આવશે, જ્યારે અન્ય તમામ દેશોના જહાજોને આ સામુદ્રધુનીમાંથી અવરોધ વિના અવરજવરની મંજૂરી આપવામાં આવશે.
ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ, ટ્રુથ સોશિયલ પર લખ્યું "હોર્મુઝ સ્ટ્રેટ ખુલ્લો છે અને ઈરાન સાથે કે તેના વગર ખુલ્લો રહેશે. અમે `ઈરાની નાકાબંધી` ફરીથી લાદી રહ્યા છીએ, કારણ કે તે ફક્ત ઈરાની જહાજો અને તેમના ગ્રાહકોને પ્રવેશવા અથવા બહાર નીકળવાથી પ્રતિબંધિત કરે છે. અન્ય તમામ રાષ્ટ્રોને સ્ટ્રેટમાં વાજબી અને ખુલ્લી ઍક્સેસ હશે." તેમણે ઉમેર્યું, "હવેથી, અમેરિકા `હોર્મુઝ સ્ટ્રેટના રક્ષક` તરીકે ઓળખાશે. સુરક્ષા પૂરી પાડવાના બદલામાં, અમને તમામ કાર્ગો શિપમેન્ટ પર 20 ટકા ફી ચૂકવવાની રહેશે. આ પ્રક્રિયા અને વ્યવસ્થા તાત્કાલિક શરૂ થશે. આ બાબત પર તમારા ધ્યાન બદલ આભાર."
ટ્રમ્પે જણાવ્યું હતું કે સુરક્ષા વ્યવસ્થાના ખર્ચને આવરી લેવા માટે હોર્મુઝ સ્ટ્રેટમાંથી પસાર થતા તમામ કાર્ગો પર અમેરિકાને 20 ટકા ચુકવણી મળશે. જોકે, આ સિસ્ટમ કેવી રીતે લાગુ કરવામાં આવશે અથવા તે કયા સ્વરૂપમાં આવશે તે અંગે તાત્કાલિક કોઈ વિગતો બહાર આવી નથી.
અહેવાલ અનુસાર, ટ્રમ્પે સોમવારે જણાવ્યું હતું કે અમેરિકા ઈરાન પર ફરીથી નૌકાદળ નાકાબંધી લાદી રહ્યું છે, જેનાથી કોઈપણ જહાજોને ઈરાની બંદરોમાં પ્રવેશવા કે બહાર નીકળવાથી અટકાવવામાં આવી રહ્યા છે. તાજેતરના દિવસોમાં અમેરિકા અને ઈરાન વચ્ચે વધતા તણાવ વચ્ચે આ પગલું લેવામાં આવ્યું છે. ગયા અઠવાડિયે ટ્રમ્પે અમેરિકા અને ઈરાન વચ્ચેના સમજૂતી કરાર (MoU) ને સમાપ્ત કરવાની જાહેરાત કરી હતી. ત્યારબાદ, ઇસ્લામિક રિવોલ્યુશનરી ગાર્ડ કોર્પ્સ (IRGC) પર ફરી એકવાર વાણિજ્યિક જહાજો પર હુમલો કરવાનો આરોપ મૂકવામાં આવ્યો હતો. શનિવારે પ્રાદેશિક મધ્યસ્થી સાથેની વાતચીત પછી પણ, બીજા જહાજ પર હુમલો કરવામાં આવ્યો હોવાના અહેવાલ છે, અને IRGC એ હોર્મુઝ સ્ટ્રેટને ‘આગળની સૂચના સુધી બંધ’ જાહેર કર્યું, જેના કારણે અમેરિકા ઈરાન પર નવા હુમલાઓ શરૂ કરવા માટે પ્રેરિત થયું.
અહેવાલ મુજબ, ગલ્ફ ક્ષેત્રના એક સૂત્રએ જણાવ્યું હતું કે હોર્મુઝ સ્ટ્રેટને સુરક્ષિત કરવાના બદલામાં કાર્ગો શિપમેન્ટ પર 20 ટકા ફી વસૂલવાના પ્રસ્તાવ અંગે અમેરિકાએ હજી સુધી પ્રાદેશિક સાથી દેશો સાથે કોઈ ચર્ચા કરી નથી.
