19 July, 2025 07:17 AM IST | New Delhi | Gujarati Mid-day Online Correspondent
પ્રતીકાત્મક તસવીર સૌજન્ય : મિડ-ડે
રાજધાની દિલ્હી બાદ હવે બૅંગ્લુરુની 40 સ્કૂલને બૉમ્બથી ઉડાડવાની ધમકી મળી છે. જેના પછી શહેરની પોલીસ અલર્ટ પર છે. શહેરની બધી જ શાળાઓમાં તપાસ કરવામાં આવી રહી છે.
રાજધાની દિલ્હી બાદ ભારતના સિલિકૉન વેલી કહેવાતા બૅંગ્લુરુની 40 સ્કૂલને બૉમ્બથી ઉડાડવાની ધમકી મળી છે. જેના પછી બૅંગ્લુરુ પ્રશાસન સતર્ક થઈ ગયું છે. બૅંગ્લુરુ પોલીસે જણાવ્યું કે આરઆર નગર અને કેંગેરી સહિત બૅંગ્લુરુ શહેરની 40 ખાનગી શાળાઓને આજે બૉમ્બની ધમકીભર્યા ઈમેલ મળ્યા છે. જેના પછી શહેરની બધી સ્કૂલોમાં તપાસ અને શોધ શરૂ કરી દેવામાં આવી છે.
આ પહેલા, રાજધાની દિલ્હીમાં સવાર-સવારમાં એક કે બે નહીં પણ 20 સ્કૂલને બૉમ્બથી ઉડાડવાની ધમકી મળી હતી. શુક્રવારે સવારે પશ્ચિમ વિહાર સ્થિત રિચમંડ ગ્લોબલ સ્કૂલમાં બૉમ્બ હોવાની માહિતી મળી. સૂચના ઇ-મેલ દ્વારા સવારે 4.55 વાગ્યે મળી. સૂચના મળતાં જ સ્થાનિક પોલીસની સાથે સાથે એન્ટિ-બૉમ્બ સ્ક્વૉડ, ડૉગ સ્ક્વૉડ અને ફાયર વિભાગના કર્મચારીઓ ઘટનાસ્થળે પહોંચી ગયા છે.
શુક્રવારે કર્ણાટકના બેંગલુરુમાં લગભગ 40 શાળાઓમાં ધમકીભર્યો ઈમેલ મળતાં હોબાળો મચી ગયો હતો. ઈમેલમાં બૉમ્બ હુમલાની ચેતવણી આપવામાં આવી હતી. તેનાથી શાળાઓમાં ગભરાટ ફેલાયો હતો. ઈમેલ મોકલનાર વ્યક્તિએ પોતાનું નામ `રોડકિલ` આપ્યું હતું અને કહ્યું હતું કે બાળકોના મૃત્યુ પછી તે આત્મહત્યા કરશે. પોલીસે તાત્કાલિક કાર્યવાહી કરી અને શાળાઓ ખાલી કરાવી અને બૉમ્બ સ્ક્વોડ દ્વારા સર્ચ ઓપરેશન હાથ ધરવામાં આવ્યું. જોકે, કોઈપણ શાળામાં કોઈ બૉમ્બ મળ્યો નથી. પોલીસ માને છે કે ધમકી ખોટી હતી, પરંતુ તેઓ હજુ પણ આ મામલાની તપાસ કરી રહ્યા છે.
ધમકીભર્યા ઈમેલમાં શું હતું
પોલીસના જણાવ્યા અનુસાર, ઈમેલ મોકલનાર વ્યક્તિએ પોતાનું નામ `રોડકિલ333@atomicmail.io` આપ્યું છે. તેણે દાવો કર્યો હતો કે તેણે શાળાઓમાં ઘણા બૉમ્બ મૂક્યા છે. તેણે એમ પણ કહ્યું હતું કે બાળકોના મૃત્યુ પછી તે પોતાનો જીવ આપી દેશે. ઈમેલમાં લખ્યું હતું કે હું તમને બધાને આ દુનિયામાંથી ભૂંસી નાખીશ. એક પણ જીવ બચશે નહીં. જ્યારે હું સમાચાર જોઉં છું અને માતાપિતા તેમના બાળકોના ઠંડા, વિકૃત મૃતદેહ જોઈને શાળાએ આવે છે ત્યારે મને ખુશી થશે. ઈમેલ મોકલનાર વ્યક્તિએ મનોચિકિત્સકો પર પણ ગુસ્સો વ્યક્ત કર્યો.
તેમણે આગળ શું લખ્યું
તેમણે આગળ લખ્યું કે તેઓ ફક્ત લાચાર અને મૂર્ખ લોકોને દવા આપવાની કાળજી રાખે છે. હું જીવંત પુરાવો છું કે તેઓ મદદ કરતા નથી. તમે બધા આને લાયક છો. તમે પણ મારી જેમ દુઃખ ભોગવવા લાયક છો. તેમણે મીડિયા સાથે ઈમેલ શેર કરવા પણ કહ્યું. પોલીસ સૂત્રોના જણાવ્યા અનુસાર, સવારે 7.24 વાગ્યે બધી સંસ્થાઓને આ જ ઈમેલ મોકલવામાં આવ્યો હતો. ઈમેલનો વિષય `શાળાની અંદર બૉમ્બ` હતો.