ભારતીય નૌસેનાનું શૌર્ય: અદનની ખાડીમાં જહાજને સમુદ્રી લૂંટારાઓના હુમલાથી બચાવ્યું

સૂત્રોના જણાવ્યા મુજબ, ભારતીય નૌસેનાનું યુદ્ધજહાજ નજીક પહોંચતાં જ સમુદ્રી લૂંટારુઓ ત્યાંથી ભાગી ગયા. લૂંટારુઓ જહાજ પર કબજો કરે તે પહેલાં જ તેઓ ફરાર થઈ ગયા હતા. ત્યારબાદ ભારતીય નૌસેનાના માર્કોસ (Marine Commandos) જહાજ MV Golden Arsenal પર પહોંચ્યા.

મિશન બાદ નેવીના જવાનોએ નાવિકો સાથે તસવીર શૅર કરી (સૌજન્ય: X)

બુધવારે રાત્રે અદનની ખાડીમાં ભારતીય નૌસેનાએ સમુદ્રી લૂંટનો પ્રયાસ નિષ્ફળ બનાવ્યો. ભારતીય નૌસેનાના યુદ્ધજહાજ INS ત્રિકંદે સમયસર કાર્યવાહી કરી હતી. નૌસેનાએ સમુદ્રી લૂંટારાઓને ખદેડી દીધા અને તેમની યોજના નિષ્ફળ બનાવી. ભારતીય નૌસેનાએ ફરી એકવાર પોતાની તાકાતનો પરિચય આપ્યો છે. બુધવારે રાત્રે અદનની ખાડીમાં ભારતીય યુદ્ધજહાજ INS ત્રિકંદે સમુદ્રી લૂંટનો પ્રયાસ નિષ્ફળ બનાવ્યો. નૌસેનાની ઝડપી કાર્યવાહીથી સમુદ્રી લૂંટારાઓને ભાગી જવાની ફરજ પડી. માહિતી મુજબ, ભારત માટે મહત્વનો માલ લઈને જઈ રહેલા એક વેપારી જહાજમાંથી મદદ માટે ઇમરજન્સી સંદેશ મળ્યો હતો. આ સંદેશ મળતા જ INS ત્રિકંદ તરત જ ઘટનાસ્થળે પહોંચી ગયું. ત્યારબાદ નૌસેનાએ કાર્યવાહી કરીને લૂંટારાઓનો પ્રયાસ નિષ્ફળ બનાવી દીધો. બુધવારે રાત્રે અદનની ખાડીમાં MV Golden Arsenal નામના જહાજ પર સમુદ્રી લૂંટારાઓએ હુમલો કર્યો હતો. આ જહાજમાં એક ભારતીય ક્રૂ સભ્ય પણ હાજર હતો. લૂંટારાઓને જોતા જ ક્રૂએ તરત જ એન્ટી-પાયરેસી સુરક્ષા પ્રક્રિયા અમલમાં મૂકી હતી. તમામ ક્રૂ સભ્યો સુરક્ષિત રૂમમાં જઈને બંધ થઈ ગયા હતા. ત્યારબાદ તેમણે ઇમરજન્સી સંચાર વ્યવસ્થા દ્વારા અધિકારીઓને તરત જાણ કરી હતી. એલર્ટ મળતા જ નજીકમાં તહેનાત INS ત્રિકંદે તાત્કાલિક કાર્યવાહી શરૂ કરી હતી. યુદ્ધજહાજ ઝડપથી વેપારી જહાજ તરફ પહોંચી ગયું હતું.

જહાજને કોઈ નુકસાન થયું નથી

સૂત્રોના જણાવ્યા મુજબ, ભારતીય નૌસેનાનું યુદ્ધજહાજ નજીક પહોંચતાં જ સમુદ્રી લૂંટારાઓ ત્યાંથી ભાગી ગયા. લૂંટારાઓ જહાજ પર કબજો કરે તે પહેલાં જ તેઓ ફરાર થઈ ગયા હતા. ત્યારબાદ ભારતીય નૌસેનાના માર્કોસ (Marine Commandos) જહાજ MV Golden Arsenal પર પહોંચ્યા. તેમણે સમગ્ર જહાજની સારી રીતે તપાસ કરી અને સુરક્ષા ચકાસણી કરી. તપાસ બાદ જહાજ સંપૂર્ણ સુરક્ષિત હોવાનું જાહેર કરવામાં આવ્યું. MV Golden Arsenal ભારત માટે જરૂરી માલસામાન લઈને જઈ રહ્યું હતું. આ ઘટનામાં કોઈ ક્રૂ સભ્યને ઈજા થઈ હોવાના અહેવાલ નથી. જહાજને પણ કોઈ નુકસાન થયું હોવાની માહિતી સામે આવી નથી.

અદનની ખાડી દુનિયાના સૌથી વ્યસ્ત સમુદ્રી માર્ગોમાંની એક

અદનની ખાડી દુનિયાના સૌથી વ્યસ્ત સમુદ્રી વેપાર માર્ગોમાંથી એક છે. આ વિસ્તાર આફ્રિકાના હોર્ન ઓફ આફ્રિકા નજીક હોવાથી અહીં લાંબા સમયથી સમુદ્રી લૂંટની ઘટનાઓ બનતી રહી છે. આ કારણે ભારતીય નૌસેના અહીં સતત પોતાની હાજરી જાળવી રાખે છે. વેપારી જહાજોની સુરક્ષા માટે ભારતીય નૌસેનાએ આ વિસ્તારમાં પોતાના મુખ્ય યુદ્ધજહાજો તહેનાત કર્યા છે. સમુદ્રી લૂંટના જોખમનો સામનો કરવા માટે નૌસેના સતત સતર્ક રહે છે.

છેલ્લા બે વર્ષમાં નૌસેનાએ કર્યા અનેક સફળ ઑપરેશન

આ તાજેતરનું ઑપરેશન ભારતીય નૌસેનાના એન્ટી-પાયરેસી અભિયાનનો વધુ એક મહત્તવનો ભાગ છે. છેલ્લા બે વર્ષથી ભારતીય નૌસેના અરબી સમુદ્ર અને અદનની ખાડીમાં સતત આવા ઑપરેશન ચલાવે છે. આ કાર્યવાહીનો મુખ્ય હેતુ ભારતીય નાવિકો અને વેપારી જહાજોની સુરક્ષા સુનિશ્ચિત કરવાનો છે. આ માટે ભારતીય નૌસેનાએ આ વિસ્તારમાં પોતાના અદ્યતન યુદ્ધજહાજો તહેનાત રાખ્યા છે. છેલ્લા બે વર્ષમાં નૌસેનાએ અનેક વખત સમુદ્રી લૂંટારાઓના પ્રયાસો નિષ્ફળ બનાવ્યા છે. નૌસેનાની સતત સતર્કતાના કારણે સમુદ્રી લૂંટારાઓની પ્રવૃત્તિઓ પર અસરકારક રીતે નિયંત્રણ રાખવામાં આવી રહ્યું છે.