નવી મુંબઈમાં સેક્સ-રૅકેટનો પર્દાફાશ

આરોપીઓ સામે પનવેલ તાલુકા પોલીસ-સ્ટેશનમાં પ્રિવેન્શન ઑફ ઇમૉરલ ટ્રાફિકિંગ ઍક્ટ (PITA) અને ભારતીય ન્યાયસંહિતાની અન્ય કલમ હેઠળ ગુનો નોંધવામાં આવ્યો છે.

પ્રતીકાત્મક ફાઈલ તસવીર

નવી મુંબઈ પોલીસની ક્રાઇમ બ્રાન્ચ હેઠળ આવતા ઍન્ટિ-હ્યુમન ટ્રાફિકિંગ સેલ (AHTC)એ શનિવારે પનવેલના કોનગાંવના નારપોલી વિસ્તારની એક હોટેલમાં રેઇડ પાડીને ત્યાં ચાલતા સેક્સ-રૅકેટનો પર્દાફાશ કર્યો હતો.

AHTCના સિનિયર પોલીસ ઇન્સ્પેક્ટર પૃથ્વીરાજ ઘોરપડેએ કહ્યું હતું કે ‘અમને માહિતી મળી હતી કે એ હોટેલમાં સેક્સ-રૅકેટ ચાલે છે એટલે એ બાબતે પહેલાં ખાતરી કરવામાં આવી હતી. ત્યાર બાદ એક બનાવટી કસ્ટમરને ત્યાં મોકલીને સેક્સ-રૅકેટનો પર્દાફાશ કરવામાં આવ્યો હતો. આ કેસમાં હોટેલના મૅનેજર અને બે અન્ય કર્મચારીઓની ધરપકડ કરવામાં આવી છે અને પ્રોસ્ટિટ્યુશનના વ્યવસાયમાં ધકેલવામાં આવેલી ૬ યુવતીઓને છોડાવવામાં આવી છે. આ સેક્સ-રૅકેટ સાથે સંકળાયેલા ચોથા આરોપીની શોધ હાલ ચાલી રહી છે.’

આરોપીઓ સામે પનવેલ તાલુકા પોલીસ-સ્ટેશનમાં પ્રિવેન્શન ઑફ ઇમૉરલ ટ્રાફિકિંગ ઍક્ટ (PITA) અને ભારતીય ન્યાયસંહિતાની અન્ય કલમ હેઠળ ગુનો નોંધવામાં આવ્યો છે.