17 April, 2026 07:40 AM IST | Mumbai | Gujarati Mid-day Correspondent
બીએમસી હેડક્વૉર્ટર
BMC દ્વારા આવતા સપ્તાહથી મુંબઈમાં વૃક્ષોની ગણતરી શરૂ કરવામાં આવશે. ચોમાસા પૂર્વેની તૈયારીના ભાગરૂપે આ કવાયત આશરે ૮ વર્ષના લાંબા સમયગાળા પછી હાથ ધરવામાં આવશે.
આ ગણતરીપ્રક્રિયા પૂર્ણ કરતાં અંદાજે દોઢ વર્ષ લાગશે. છેલ્લે ૨૦૧૮માં વૃક્ષોની ગણતરી કરવામાં આવી હતી જેમાં આરે કૉલોની સહિત મુંબઈભરમાં અંદાજે ૩૩.૭ લાખ વૃક્ષો નોંધાયાં હતાં.
આ પ્રોજેક્ટ સંદર્ભે તાજેતરમાં ભાયખલા ઝૂ ખાતે વૃક્ષોની ગણતરી અને વૈજ્ઞાનિક પદ્ધતિથી ડાળીઓ કાપવા વિશેની એકદિવસીય વર્કશૉપનું આયોજન કરવામાં આવ્યું હતું. ગાર્ડનના સુપરિન્ટેન્ડેન્ટ જિતેન્દ્ર પરદેશીએ જણાવ્યું હતું કે આ વખતે વૃક્ષોની ગણતરીમાં નિષ્ણાતોની મદદ લેવામાં આવશે અને અત્યાધુનિક ટેક્નૉલૉજીનો ઉપયોગ કરવામાં આવશે.
ગોરેગામ-વેસ્ટના મોતીલાલનગર નંબર બેમાં આવેલી નિધિ ડેકોરેટરની શૉપમાં ગઈ કાલે સવારે ૯.૨૫ વાગ્યે આગ ફાટી નીકળી હતી. એમાં ડેકોરેશનનું મટીરિયલ બળીને ખાખ થઈ ગયું હતું.
