ન્યૂઝ શોર્ટમાં: TCS ધર્માંતરણ કેસની મુખ્ય આરોપી નિદા ખાનને સંભાજીનગરમાંથી ઝડપી લેવાઈ

નિદા ખાને મહિલા કર્મચારીઓને ઇસ્લામિક પરંપરા અનુસાર પોશાક પહેરવાની અને મુસ્લિમો જેવું વર્તન કરવાની સલાહ આપી હતી. 

નિદા ખાન

તાતા કન્સલ્ટન્સી સર્વિસિસ (TCS)ના ધર્માંતરણના કેસમાં વૉન્ટેડ આરોપી નિદા ખાન ઝડપાઈ ગઈ છે. નાશિક પોલીસે તેને સંભાજીનગરમાંથી ઝડપી લીધી છે અને આજે તેને કોર્ટમાં હાજર કરવામાં આવશે. નિદા ખાને તે બે મહિનાની ગર્ભવતી હોવાથી આગોતરા જામીનની અરજી કરી હતી જે કોર્ટે ફગાવી દીધી હતી. ફર્સ્ટ ઇન્ફર્મેશન રિપોર્ટ (FIR) મુજબ નિદા ખાને મહિલા કર્મચારીઓને ઇસ્લામિક પરંપરા અનુસાર પોશાક પહેરવાની અને મુસ્લિમો જેવું વર્તન કરવાની સલાહ આપી હતી. 

વિયેટનામના પ્રેસિડન્ટે NSEની બેલ વગાડી

નૅશનલ સ્ટૉક એક્સચેન્જ (NSE) ખાતે ગુરુવારે આયોજિત કાર્યક્રમમાં વિયેટનામના રાષ્ટ્રપતિ તો લામના હસ્તે બેલ-રિન્ગિંગ કરવામાં આવ્યું હતું. NSE ગવર્નિંગ બોર્ડના ચૅરપર્સન શ્રીનિવાસ ઇન્જેટી તથા NSEના MD અને CEO આશિષ કુમાર ચૌહાણ ઉપસ્થિત રહ્યા હતા. મુંબઈની મુલાકાતે આવેલા વિયેટનામી રાષ્ટ્રપતિએ ભારત અને વિયેટનામ વચ્ચેના આર્થિક સંબંધોને મજબૂત કરવાની દિશામાં આ પ્રતીકાત્મક વિધિમાં ભાગ લીધો હતો.