મુંબઈ ટ્રાફિક પોલીસને કૉલ, સીમા હૈદરને પાકિસ્તાન મોકલો નહીંતર થશે ફરી હુમલો

મુંબઈ ટ્રાફિક પોલીસ કંટ્રોલ રૂમ(Mumbai Traffic Police)ને બુધવારે તેમના હેલ્પલાઇન નંબર પર અજાણ્યા નંબર પરથી વોટ્સએપ મેસેજ મળ્યો હતો. જેમાં 26/11 જેવા હુમલાનું પુનરાવર્તન કરવાની ધમકી આપવામાં આવી હતી. ઉર્દૂમાં લખાયેલા મેસેજમાં લખવામાં આવ્યું હતું કે `જો સીમા હૈદર પરત નહીં ફરે તો ભારત બરબાદ થઈ જશે અને તેના માટે ઉત્તર પ્રદેશ સરકાર જવાબદાર હશે.` મુંબઈ પોલીસ(Mumbai Police)એ મેસેજ લખનાર વ્યક્તિની તપાસ શરૂ કરી છે.

 

 

ગ્રેટર નોઈડા પોલીસે થોડા દિવસ પહેલા 27 વર્ષની સીમા હૈદર(seema haider love)ની ધરપકડ કરી હતી. તેમની સામે ગેરકાયદેસર રીતે દેશમાં પ્રવેશવા સંબંધિત કલમો હેઠળ કેસ નોંધવામાં આવ્યો છે. સાથે જ સચિન સિંહ અને તેના પિતા નેત્રપાલ વિરુદ્ધ 120B અને કલમ 34 હેઠળ કાર્યવાહી કરવામાં આવી છે. તેણે પાકિસ્તાની મહિલાને ગેરકાયદેસર રીતે સરહદ પાર કરવામાં મદદ કરી અને તેને પોતાના ઘરમાં રાખી. સીમા હૈદર (seema haider love )મેના બીજા સપ્તાહમાં કરાચીથી દુબઈ થઈને નેપાળ પહોંચી હતી. આ પછી તેમણે પાલથી ગેરકાયદેસર રીતે ભારતમાં પ્રવેશ કર્યો હતો. પોલીસને સમગ્ર મામલાની જાણકારી એક વકીલ પાસેથી મળી, જેનો સચિન અને સીમાએ ગયા અઠવાડિયે લગ્નને લઈને સંપર્ક કર્યો હતો. બંનેની વલ્લભગઢમાં બસમાંથી ધરપકડ કરવામાં આવી હતી. બાદમાં તમામને જામીન મળી ગયા હતા.

 

 

ઓનલાઈન ગેમ PUBG રમતી વખતે સચિન અને સીમા હૈદર (seema haider love)2020માં પ્રથમ વખત સંપર્કમાં આવ્યા હતા. આ પછી બંનેએ એકબીજાના મોબાઈલ નંબર લીધા અને પછી મેસેજ અને વીડિયો કોલ શરૂ કર્યા. એવું પણ જાણવા મળ્યું હતું કે બંને આ વર્ષે માર્ચમાં નેપાળમાં મળ્યા હતા અને અહીં લગ્ન કરવાનું નક્કી કર્યું હતું. અહીંથી તેણે ગેરકાયદેસર રીતે ભારતમાં પ્રવેશવાનો પ્લાન બનાવ્યો હતો. તેમણે YouTube પર ભારતમાં પ્રવેશવાના સરળ રસ્તા શોધી કાઢ્યા.

 

 

ભારતનો સચિન મીના અને પાકિસ્તાન (Pakistan)ની સીમા હૈદર હાલમાં તેની લવ સ્ટોરીને કારણે ખુબ જ ચર્ચામાં છે. જામીન મળ્યા બાદ નવી દિલ્હીમાં જેલમાંથી તેઓ મુક્ત થયાં છે. સીમાની તેનાં ચાર બાળકો સાથે વાયા નેપાલ વિઝા વિના ભારતમાં ગેરકાયદે ઘૂસણખોરી કરવાના આરોપસર ચોથી જુલાઈએ ધરપકડ કરવામાં આવી હતી, જ્યારે સચિનને ઘૂસણખોરોને આશરો આપવા બદલ જેલમાં પૂરવામાં આવ્યો હતો.આ કપલના જણાવ્યા અનુસાર તેઓ ફિલ્મ ગદરથી ઇન્સ્પાયર થયાં હતાં. આ ફિલ્મમાં ઇન્ડિયન યુવક અને પાકિસ્તાની યુવતીની સરહદ પાર લવસ્ટોરી છે.