મનસે કાર્યકરો સામે મીરા-ભાયંદરના વેપારીઓનો વિરોધ, દુકાનો બંધ રાખી કરી આ માગણી

૩ જુલાઈની સવારે, MNS કાર્યકરો દ્વારા એક રેસ્ટોરન્ટ માલિકને મરાઠીમાં વાતચીત ન કરવા બદલ હેરાન કર્યા બાદ, મીરા-ભાયંદર વિસ્તારમાં અનેક દુકાનોએ વિરોધમાં પોતાના શટર બંધ કરી દીધા હતા. બંધ દુકાનો અને ખાલી બજારોની તસવીરો સોશિયલ મીડિયા પર વ્યાપકપણે ફરતી થઈ.

મારપીટ ઘટના સામે વેપારીઓનો વિરોધ (તસવીરો: X)

મહારાષ્ટ્રમાં ચાલી રહેલા મરાઠી ભાષા વિવાદ હવે વધુ તીવ્ર બની રહ્યો છે. આ અઠવાડિયે મુંબઈના મીરા રોડમાં મહારાષ્ટ્ર નવ નિર્માણ સેનાના કેટલાક કાર્યકરોએ એક રેસ્ટોરન્ટ માલિકને માર માર્યા હોવાનો વીડિયો સોશિયલ મીડિયા પર વાયરલ થયો હતો. આ ઘટના સામે લોકોનો ભારે આક્રોશ જોવા મળ્યો હતો, જેને પગલે આરોપો સામે કડક કાર્યવાહી કરવાની માગણી કરવામાં આવી રહી છે. આવી હરકત કરનાર મનસેના કાર્યકરો સામે પગલાં લેવા માટે મીરા-ભાયંદરના વેપારીઓએ પોતાની દુકનો બંધ રાખી હતી, અને ઘટનાનો વિરોધ વ્યક્ત કર્યો હતો.

મહારાષ્ટ્ર નવનિર્માણ સેના (MNS) ના સભ્યોએ મીરા-ભાયંદરમાં એક રેસ્ટોરન્ટ માલિક પર મરાઠી ભાષાનો ઉપયોગ ન કરવા બદલ વારંવાર હુમલો કર્યાના થોડા દિવસો પછી, પાર્ટીની હિંસાના વિરોધમાં દુકાનદારોએ વિસ્તારમાં પોતાની દુકાનો બંધ કરીને નારાજગી વ્યક્ત કરી છે. ૩ જુલાઈની સવારે, MNS કાર્યકરો દ્વારા એક રેસ્ટોરન્ટ માલિકને મરાઠીમાં વાતચીત ન કરવા બદલ હેરાન કર્યા બાદ, મીરા-ભાયંદર વિસ્તારમાં અનેક દુકાનોએ વિરોધમાં પોતાના શટર બંધ કરી દીધા હતા. બંધ દુકાનો અને ખાલી બજારોની તસવીરો સોશિયલ મીડિયા પર વ્યાપકપણે ફરતી થઈ રહી છે.

મુંબઈના એક દુકાનદાર પર મરાઠીમાં ન બોલવા બદલ હુમલો થયાના 72 કલાક પછી હુમલાખોરો દ્વારા આ ઘટનાનું ફિલ્માંકન કરી તેને ઓનલાઈન પ્રસારણ કરવામાં આવ્યું અને FIR દાખલ થયાના 24 કલાક પછી, પોલીસ આખરે આરોપીઓના નિવેદનો નોંધશે, સૂત્રોએ ગુરુવારે સવારે જણાવ્યું. આરોપીઓ સામે કાર્યવાહી `મનસે સ્લેપગેટ` કેસમાં પહેલું નક્કર પગલું લેવામાં આવશે. લોકોના સતત દબાણ અને મુંબઈના મીરા રોડ ઉપનગરમાં `જોધપુર સ્વીટ શોપ`ના માલિક 48 વર્ષીય બાબુલાલ ખીમજી ચૌધરી માટે ન્યાયની માગણી પછી કરવામાં આવી છે.

મરાઠી ન બોલવા બદલ મનસે રેસ્ટોરન્ટ માલિક પર હુમલો કર્યો હતો

મુંબઈના મીરા રોડ પર એક રેસ્ટોરન્ટ માલિક પર મરાઠી ન બોલવા બદલ મહારાષ્ટ્ર નવનિર્માણ સેના (MNS) ના કાર્યકરો દ્વારા હુમલો કરવામાં આવ્યો હતો. MNS એ માલિકને ભાષાના ઉપયોગ અંગે પૂછપરછ કરતા સંઘર્ષ શરૂ થયો. માલિકે રમૂજી રીતે જવાબ આપ્યો કે તે જાણતો નથી કે મરાઠી ભાષા ફરજિયાત છે, જેનાથી આ કાર્યકરો ગુસ્સે થયા હતા. પરિસ્થિતિ ત્યારે વધુ વણસી જ્યારે માલિકે કહ્યું કે મહારાષ્ટ્રમાં બધી ભાષાઓ બોલાય છે. આ વાતથી એક કાર્યકર્તાએ તેને જાહેરમાં અનેક વખત થપ્પડ મારી હતી. આ ઘટનાએ સોશિયલ મીડિયા પર આક્રોશ ફેલાવ્યો છે, જેના કારણે ભાષા સંરક્ષણ વિરુદ્ધ હિંસા અંગે ચર્ચાઓ શરૂ થઈ છે. પોલીસ આ મામલાની તપાસ કરી રહી છે, પરંતુ હજુ સુધી કોઈ સત્તાવાર ફરિયાદ નોંધાઈ નથી.