મુંબઈ: દાદરમાં MGL ગૅસ પાઇપલાઇન લીકેજથી એલર્ટ; કોઈ ઈજા નહીં

"પાઇપલાઇનમાંથી ગૅસ લીકેજ થયો હતો, પરંતુ કોઈ આગ લાગી નથી અને કોઈને ઈજા થઈ નથી," એક નાગરિક અધિકારીએ જણાવ્યું હતું. અધિકારીઓએ ઉમેર્યું હતું કે ઈમરજન્સી ટીમો લીકેજને નિયંત્રિત કરવા અને જાહેર સલામતી સુનિશ્ચિત કરવા માટે કામ કરી રહી છે.

વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)

મુંબઈના વ્યસ્ત દાદર વિસ્તારમાં શુક્રવારે સાંજે ગૅસ પાઇપલાઇન લીકેજ થવાથી હોબાળો મચ્યો હતો. માહિતી મળતાની સાથે જ અધિકારીઓએ આસપાસના વિસ્તારને ઘેરલી લીધો હતો. આ ઘટનામાં કોઈ આગ કે ઈજાના અહેવાલ નથી, અધિકારીઓએ જણાવ્યું હતું. દાદર (પશ્ચિમ) માં અમર હિન્દ મંડળની સામે, સખારામ કૃષ્ણ માર્ગ પર ગોખલે રોડ પર અનુગ્રહ હૉટેલ નજીક મહાનગર ગૅસ લિમિટેડ (MGL) ની પાઇપલાઇનમાંથી સાંજે લગભગ 6.01 વાગ્યે લીકેજની જાણ થઈ હતી. નાગરિક અધિકારીઓના જણાવ્યા અનુસાર, ક્ષતિગ્રસ્ત પાઇપલાઇનમાંથી ગૅસ લીક થતો જોવા મળ્યો હતો, જેના કારણે વિસ્તારની ગીચ વસ્તીને કારણે ચિંતા વધી હતી.

સુરક્ષા ટીમો ઘટનાસ્થળે પહોંચી

ઘટનાની જાણ થતાં જ, મુંબઈ ફાયર બ્રિગેડ, મુંબઈ પોલીસ અને મહાનગર ગૅસ લિમિટેડની ટીમો ઘટનાસ્થળે દોડી ગઈ હતી. સલામતીના પગલાં તરીકે, અધિકારીઓએ તાત્કાલિક વિસ્તારમાં પ્રવેશ પર પ્રતિબંધિત કર્યો હતો અને કોઈપણ અનિચ્છનીય ઘટનાને રોકવા માટે લોકોને લીકેજ સ્થળથી દૂર રાખ્યા હતા. મહાનગર ગૅસ લિમિટેડ (MGL) ના જણાવ્યા અનુસાર, શુક્રવારે સાંજે દાદર પશ્ચિમમાં ગોખલે રોડ પર મેજવાણી રેસ્ટોરન્ટ નજીક એક ખાનગી ખોદકામ દરમિયાન JCB મશીનને લીધે ગૅસ પાઇપલાઇનને નુકસાન થયું હતું. સાવચેતીના પગલા તરીકે, MGL એ સમારકામ કાર્યને સરળ બનાવવા માટે અસરગ્રસ્ત વિસ્તારમાં ગૅસ પુરવઠો અસ્થાયી રૂપે સ્થગિત કર્યો હતો. કંપનીએ જણાવ્યું હતું કે અસરગ્રસ્ત ગ્રાહકોને કામચલાઉ વિક્ષેપ વિશે જાણ કરવામાં આવી રહી છે અને થયેલી અસુવિધા બદલ દિલગીરી વ્યક્ત કરવામાં આવી છે.