21 April, 2026 07:39 AM IST | Mumbai | Gujarati Mid-day Correspondent
મુંબઈ DRIએ પકડેલો કરોડો રૂપિયાનો મુદ્દામાલ.
ડિરેક્ટરેટ ઑફ રેવન્યુ ઇન્ટેલિજન્સ (DRI)ની મુંબઈ બ્રાન્ચે હાથ ધરેલી કાર્યવાહીમાં આશરે ૧૩૯ કરોડ રૂપિયાની કિંમતનાં ૧૩૨ કન્ટેનર જપ્ત કર્યાં છે. આ કન્ટેનરોમાં મગજતરી (તરબૂચનાં બીજ)નો અને વટાણાનો જથ્થો છુપાવવામાં આવ્યો હતો. આ કેસમાં દાણચોરી સાથે સંકળાયેલા મુખ્ય આયાતકારની ધરપકડ કરવામાં આવી છે.
ઇમ્પોર્ટ-ડ્યુટીમાંથી બચવા માટે ૨૭૧૦ ટન મગજતરીને તુવેરદાળ તરીકે ટાંઝાનિયા અને સુદાનથી મગાવવામાં આવી હતી તેમ જ કૅનેડાથી આયાત કરાયેલો લીલા વટાણાનો ૩૧૯ ટન જથ્થો મળી આવ્યો હતો.
સ્થાનિક ખેડૂતોનાં હિતોના રક્ષણ માટે ભારત સરકારે આ વસ્તુઓની આયાત પર કડક નિયંત્રણો લાદ્યાં છે. જૂન ૨૦૨૪ પછી મગજતરીની આયાત પ્રતિબંધિત કરવામાં આવી છે, જ્યારે લીલા વટાણાની આયાત માત્ર કલકત્તા બંદર મારફત જ થાય છે.
