શિવાજીનગરની ઝૂંપડપટ્ટીના એક ઘરમાંથી છ કરોડ રૂપિયાનું ડ્રગ્સ પકડાયું

આરોપી પાસે આટલા મોટા પ્રમાણમાં માલ ક્યાંથી આવ્યો એની તપાસ હાલમાં કરવામાં આવી રહી છે

પ્રતીકાત્મક તસવીર

ગોવંડીના શિવાજીનગરની ઝૂંપડપટ્ટીના એક ઘરમાં મંગળવારે સાંજે શિવાજીનગર પોલીસે છાપો મારીને છ કરોડ રૂપિયાથી વધુનું ડ્રગ્સ જપ્ત કર્યું હતું. આ મામલે પોલીસે ૨૩ વર્ષના સલમાન શેખની ધરપકડ કરીને ત્રણ લોકો સામે ફરિયાદ નોંધી છે. પોલીસને મળેલી ગુપ્ત માહિતીના આધારે છાપો મારવામાં આવ્યો હતો. એમાં આરોપી પાસેથી માત્ર ડ્રગ્સ જ નહીં, ગાંજો અને નશો કરવા માટે સિરપની બૉટલો પણ મળી આવી હતી. આરોપી પાસે આટલા મોટા પ્રમાણમાં માલ ક્યાંથી આવ્યો એની તપાસ હાલમાં કરવામાં આવી રહી છે.