14 April, 2026 07:55 AM IST | Mumbai | Gujarati Mid-day Correspondent
ફાઇલ તસવીર
રેલવે પ્રોટેક્શન ફોર્સ (RPF)એ આ વર્ષે જાન્યુઆરીથી માર્ચ દરમ્યાન એક સઘન ઝુંબેશ ચલાવી હતી. મધ્ય અને પશ્ચિમ રેલવે દ્વારા સંયુક્ત રીતે હાથ ધરાયેલા આ ઑપરેશનમાં ૯૫૦૦થી વધુ લોકો સામે ગુનો નોંધીને કુલ ૬૦.૪૨ લાખ રૂપિયાનો દંડ વસૂલવામાં આવ્યો હતો.
આ ૩ મહિના દરમ્યાન સ્ટેશનો, પ્લૅટફૉર્મ અને ટ્રેનના ડબ્બાઓમાં કુલ ૧૮૧૦ સ્પેશ્યલ ડ્રાઇવ ચલાવવામાં આવી હતી. આ કાર્યવાહીમાં અનધિકૃત ફેરિયાઓ, ટ્રાન્સજેન્ડર્સ અને ભિક્ષુકોનો સમાવેશ છે. સેન્ટ્રલ રેલવેમાં ૪૩૪૮ ફેરિયાઓ અને ૪૦૨ ટ્રાન્સજેન્ડર સામે કાર્યવાહી કરીને ૩૯.૬૮ લાખ રૂપિયાનો દંડ વસૂલવામાં આવ્યો હતો, જ્યારે વેસ્ટર્ન રેલવેમાં ૪૧૬૩ ફેરિયાઓ અને ૫૭૯ ટ્રાન્સજેન્ડર સામે કેસ નોંધીને ૨૦.૭૪ લાખ રૂપિયાનો દંડ વસૂલવામાં આવ્યો હતો. આ ઉપરાંત ૩૨૨૬ ભિક્ષુકો અને અન્ય અનધિકૃત વ્યક્તિઓને રેલવે પરિસરમાંથી હાંકી કાઢવામાં આવ્યા હતા.
