20 August, 2012 05:30 AM IST |
આ રેસમાં સ્વિમિંગ, સાઇક્લિંગ અને રનિંગ ત્રણે એક પછી એક કરવાનું હોય છે. પુત્રીની ઇચ્છા પૂરી કરવા મક્કમ રીકે તેને સાથે રાખીને ટ્રાઇથ્લોનમાં ભાગ લીધો હતો. અત્યંત અઘરી માનવામાં આવતી આ રેસ દરમ્યાન મેડીને સાથે રાખીને જ રીકે ૦.૩ માઇલ સ્વિમિંગ, ૧૨.૪ માઇલ સાઇક્લિંગ તથા ૩.૧ માઇલ રનિંગ કર્યું હતું. જન્મના માત્ર બે જ મહિનામાં મેડિસન સેરિબ્રલ પૉલ્ઝીથી પીડાય છે એવું નિદાન થયું હતું. એ પછી દીકરીને જીવનનો બધો આનંદ આપવા માટે પિતા રીકે સ્મોકિંગ છોડીને જીવનશૈલી સુધારી હતી. ટ્રાઇથ્લોનમાં ભાગ લેવા માટે રીકે ભારે મહેનત કરી હતી. રીકને અમેરિકાભરમાંથી સર્પોટ મળી રહ્યો છે. ટ્રાઇથ્લોન દરમ્યાન મોટી સંખ્યામાં લોકો તેને અને મેડીને સર્પોટ કરવા માટે આવ્યા હતા. આ પહેલી વાર નથી, અગાઉ પણ રીકે દીકરીને સાથે રાખીને અનેક આઉટડોર રેસમાં ભાગ લીધો હતો.