12 January, 2021 02:10 PM IST | Washington | Gujarati Mid-day Correspondent
જો બાઇડન પત્ની જીલહ બાઇડન સાથે
અમેરિકાના નવા ચૂંટાયેલા રાષ્ટ્રપતિ જો બાઇડનનાં પત્ની જીલહ બાઇડન અમેરિકન રાષ્ટ્રપતિ કાર્યાલય વાઇટ હાઉસમાં ૧.૨ મિલ્યન ડૉલર એટલે કે અંદાજે ૯ કરોડ રૂપિયાનું ટૉઇલેટ બનાવામાં આવ્યું છે. આ વાઇટ હાઉસના ઈસ્ટ વિંગમાં બનાવવામાં આવ્યું છે. આ બધાની વચ્ચે ટૉઇલેટ પાછળ આટલાં બધાં નાણાં ખર્ચાતાં અમેરિકામાં રાજકારણ ગરમાયું છે. ટ્રમ્પ સમર્થકોએ એને કરદાતાઓના પૈસાની બરબાદી ગણાવી છે.
ટીએમઝેડના અહેવાલ મુજબ સંઘીય દસ્તાવેજોમાં ખુલાસો થયો છે કે આ શૌચાલયના નવિનીકરણનું કામ ફર્સ્ટ લેડીની ઑફિસની નજીક કરવામાં આવી રહ્યું છે. આ શૌચાલય બનાવવાની કામગીરી અંગે કોઈ વિગતો આપવામાં આવી નથી, પરંતુ સંકેત આપવામાં આવ્યા છે કે પ્રોજેક્ટ મેના મધ્ય સુધીમાં પૂરો થઈ જશે. બાઇડનના આગમન પહેલાં વાઇટ હાઉસની ‘સફાઈ’ માટે ૧ લાખ ૨૭ હજાર ડૉલર આપવામાં આવ્યા હતા.