29 August, 2012 05:59 AM IST |
ભારતની જેમ બ્રિટનમાં પણ આ વર્ષે ખરાબ હવામાનને કારણે શાકભાજીના ભાવમાં વધારો થયો છે. બ્રિટનમાં રોજબરોજના વપરાશની શાકભાજી દક્ષિણ આફ્રિકા અને ગ્વાટેમાલા જેવા દેશોમાંથી આયાત કરવી પડે છે. ભારે વરસાદ તથા અસામાન્ય ગરમીને કારણે બ્રિટનમાં મોટા ભાગના પાકને નુકસાન પહોંચ્યું છે. રીટેલ વેપારીઓના સંગઠન બ્રિટિશ રીટેલ કન્ર્સોટિયમના પ્રવક્તાના જણાવ્યા પ્રમાણે દુકાળની બજાર પર ખરાબ અસર પડશે. બેલ્જિયમ અને લક્ઝમબર્ગ જેવા દેશોમાં પણ અમેરિકાના દુકાળની અસર જોવા મળી રહી છે.
અમેરિકામાં બે તૃતીયાંશ ઉપજાઉ જમીન પર દુકાળની અસર છે. સૌથી વધુ ખરાબ અસર મકાઈના પાક પર થઈ છે. આ ઉપરાંત સોયાબીનના પાકને પણ ભારે નુકસાન થતાં સોયાબીન તેલના ભાવમાં પણ વધારો થયો છે. પશુપાલકો પણ સોયાબીન અને મકાઈનો પશુઆહાર તરીકે મોટા પાયે ઉપયોગ કરતા હોય છે.