08 September, 2021 11:43 AM IST | Beejing | Agency
પ્રતીકાત્મક તસવીર
અફઘાન હવાઈ દળના બગરામસ્થિત મથકનો કબજો અમેરિકા પાસેથી પાછો મળતાં એ ઍરબેઝ ચીનને સોંપવાની વિચારણા ચાલતી હોવાનો તાલિબાનનો દાવો સાવ ખોટો હોવાનું ગઈ કાલે ચીને જણાવ્યું હતું. તાલિબાન બગરામ ઍરબેઝ ચીનને અને કંદહાર વિમાન મથક પાકિસ્તાનને સોંપવા ઇચ્છતું હોવાના અહેવાલોને ચીનના વિદેશ પ્રધાન વાન્ગ વેનબિને રદિયો આપ્યો હતો. બે દાયકાના કબજા પછી ગયા જુલાઈ મહિનામાં અમેરિકાએ બગરામ ઍરબેઝનો કબજો છોડ્યો હતો.
અમેરિકાનાં ભૂતપૂર્વ રાજદૂત નિક્કી હેલીએ થોડા દિવસ પહેલાં જ એક પ્રવચનમાં કહ્યું હતું કે ‘ચીન કદાચ તાલિબાનો પાસેથી બગરામ હવાઈ મથક લઈ લેશે અને એ સાથે પાકિસ્તાનનો ઉપયોગ કરીને ભારત વિરુદ્ધ પોતાનો મોરચો વધુ મજબૂત કરશે એટલે અમેરિકાએ સતર્ક રહેવું જોઈએ.’