26 November, 2014 06:50 AM IST |
ઈસ્લામાબાદ,તા.26 નવેમ્બર
પાકિસ્તાની ચેનલ જિયો ટી.વી.ના માલિક શકીલ ઉર રહેમાન,અભિનેત્રી વીના મલિક અને તેના પતિ બશીર તથા એક ટી.વી. પ્રેજેન્ટરને ઈશનિંદા મામલે પાકની આતંકવાદ વિરોધી કોર્ટે 26 વર્ષની જેલની સજા સંભળાવી છે.આ ઉપરાંત તેમને 13 લાખ રૂપિયાનો દંડ પણ ફટકારવામાં આવ્યો છે.
મામલો એવો હતો કે જિયો ટીવીના માલિક પર ઇશનિંદા કરવાનો આરોપ હતો.વિણાના બનાવટી લગ્ન બશીર સાથે થઈ રહ્યા હતા ત્યારે એક ધાર્મિક ગીત વગાડવામાં આવ્યુ હતુ.જેના કારણે તેમને આજે પાક કોર્ટે આ સજા ફટકારી છે.
કોર્ટે આદેશ આપ્યો છે કે ફટકારેલો દંડ ભરવામાં દોષિતો નિષ્ફળ જાય તો તેમની સંપત્તિ વેચી નાંખવામાં આવશે.ન્યાયાધીશ શાહબાજ ખાને વીના મલિક અને બશીર સહિત ટીવી શોની પ્રેજેન્ટર શાઈસ્તા વાહિદીને પણ 26 વર્ષની જેલની સજા ફટકારી છે.