27 December, 2012 06:26 AM IST |
પાકિસ્તાની અખબાર ‘જંગ’ના અહેવાલ મુજબ ઍબટાબાદમાં ત્રણ માળનું મકાન બાંધવા માટે ગામની પંચાયતે લાદેન પાસેથી ૫૦ હજાર રૂપિયાની લાંચ વસૂલ કરી હતી. ખુદ લાદેને તેની ડાયરીમાં આ વાત જણાવી હતી. ડાયરી લાદેનને ઘરમાંથી મળી આવી હતી. આ વર્ષે જ પાકિસ્તાની અધિકારીઓએ લાદેનના ત્રણ માળના મકાનને તોડી પાડ્યું હતું આ પહેલાં ઘરમાં કરવામાં આવેલી શોધખોળ દરમ્યાન લાદેનની ડાયરી મળી હતી. આ હકીકત બહાર આવ્યા બાદ પાકિસ્તાની અધિકારીઓએ લાંચ લેનાર તલાટીની ધરપકડ કરી હતી. પાકિસ્તાનનું એક જુડિશ્યલ કમિશન ઓસામા બિન લાદેન કેવી રીતે પાકિસ્તાનમાં ઘૂસી આવ્યો હતો એની તપાસ કરી રહ્યું છે.