28 October, 2021 01:57 PM IST | Washington DC | Gujarati Mid-day Online Correspondent
ફોટો સૌજન્ય : PR
ઈશા અંબાણી (Isha Ambani)ને અમેરિકાના વોશિંગ્ટન ડીસીમાં સ્થિત ‘સ્મિથ્ઝોનિયન નેશનલ મ્યુઝિયમ ઑફ એશિયન આર્ટ’ (Smithsonian’s National Museum of Asian Art)ના બોર્ડમાં સામેલ કરવામાં આવી છે. ઈશા અંબાણી બોર્ડની સૌથી યુવા સભ્ય છે. બોર્ડમાં તેમની નિમણૂક 4 વર્ષ માટે કરવામાં આવી છે. બોર્ડના મહત્ત્વનો અંદાજ એ વાત પરથી લગાવી શકાય છે કે 17 સભ્યોના બોર્ડમાં યુનાઇટેડ સ્ટેટ્સના વાઇસ પ્રેસિડેન્ટ, યુનાઇટેડ સ્ટેટ્સના ચીફ જસ્ટિસ, યુએસ સેનેટના ત્રણ સભ્યો અને યુએસ હાઉસ ઓફ રિપ્રેઝન્ટેટિવ્સના ત્રણ સભ્યો પણ સામેલ છે.
સ્મિથ્ઝોનિયન નેશનલ મ્યુઝિયમ ઑફ એશિયન આર્ટ દ્વારા ઈશા અંબાણીને ભારતમાં ડિજિટલ ક્રાંતિના પ્રણેતા તરીકે વર્ણવવામાં આવી છે. ઈશા રિલાયન્સ જિયો ઈન્ફોકોમની ડાયરેક્ટર છે. તેણીએ ટીમનો ભાગ હતી જેણે જિયોપ્લેટફોર્મમાં રોકાણ કર્યું હતું અને Facebookના $5.7 બિલિયનના સોદાને અમલમાં મૂક્યો હતો. ફેશન પોર્ટલ Ajio.com ના લોન્ચ પાછળ પણ ઈશા અંબાણીનો હાથ હતો અને તે ઈકોમર્સ વેન્ચર JioMart પર પણ દેખરેખ રાખે છે. તેમણે યેલ યુનિવર્સિટી અને સ્ટેનફોર્ડ યુનિવર્સિટીમાંથી ડિગ્રીઓ મેળવી છે અને ન્યૂયોર્ક સિટીમાં મેકકિન્સે એન્ડ કંપનીમાં બિઝનેસ એનાલિસ્ટ તરીકે કામ કર્યું છે.
ઉલ્લેખનીય છે કે વર્ષ ૧૯૨૩માં સ્થપાયેલ, એશિયન આર્ટના સ્મિથ્ઝોનિયન નેશનલ મ્યુઝિયમે તેના અસાધારણ સંગ્રહો અને પ્રદર્શનો, સંશોધનની તેની સદીઓ જૂની પરંપરા, કલા સંરક્ષણ અને સંરક્ષણ વિજ્ઞાન માટે આંતરરાષ્ટ્રીય ખ્યાતિ પ્રાપ્ત કરી છે. મ્યુઝિયમ વર્ષ ૨૦૨૩માં તેના શતાબ્દી વર્ષ માટે તૈયારી કરી રહ્યું છે, ત્યારે નવા બોર્ડની ભૂમિકા મહત્ત્વની છે.