G7 સમિટ: મોદીએ ટ્રમ્પ સાથે ફક્ત હાથ મિલાવ્યો પણ ગળે ન મળ્યા, જાણો શું ચર્ચા થઈ?

બેઠક દરમિયાન બન્ને નેતાઓની ક્રિયાઓ અને વાતચીત પર બધાનું ધ્યાન હતી. ફોટો સૅશન દરમિયાન વડા પ્રધાન મોદી અને ડોનાલ્ડ ટ્રમ્પ સાથે હતા. ત્યારબાદ, બન્ને નેતાઓ મુખ્ય સમિટ સ્થળ તરફ આગળ વધ્યા, જ્યાં તેમણે હાથ મિલાવ્યા.

વડા પ્રધાન મોદી અને ટ્રમ્પની મુલાકાત

ફ્રાન્સના એવિયનમાં આયોજિત G7 સમિટ દરમિયાન મંગળવારે વડા પ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે ટૂંકી મુલાકાત થઈ. લગભગ દોઢ વર્ષ બાદ બન્ને નેતાઓ વચ્ચે આ પહેલી મુલાકાત હતી. સમિટ દરમિયાન, બન્ને નેતાઓએ હાથ મિલાવ્યા અને થોડીવાર વાતચીત કરી. બેઠક દરમિયાન બન્ને નેતાઓની ક્રિયાઓ અને વાતચીત પર બધાનું ધ્યાન હતી. ફોટો સૅશન દરમિયાન વડા પ્રધાન મોદી અને ડોનાલ્ડ ટ્રમ્પ સાથે હતા. ત્યારબાદ, બન્ને નેતાઓ મુખ્ય સમિટ સ્થળ તરફ આગળ વધ્યા, જ્યાં તેમણે હાથ મિલાવ્યા. હૉલમાં પ્રવેશતા જ, વડા પ્રધાન મોદીએ ટ્રમ્પ સાથે હાથ મિલાવ્યા; ટ્રમ્પ પહેલેથી જ બેઠા હતા, જ્યારે મોદી પાછળથી આવ્યા. બન્ને નેતાઓએ હાથ મિલાવ્યા પરંતુ એક બીજાને ગળે મળ્યા નહીં.

સમિટમાં કીર સ્ટારમર અને મોદી વચ્ચેની મુલાકાતે પણ ધ્યાન ખેંચ્યું

G7 સમિટ દરમિયાન, બ્રિટિશ વડા પ્રધાન કીર સ્ટારમર પણ વડા પ્રધાન નરેન્દ્ર મોદી સાથે મળ્યા. બન્ને નેતાઓએ એકબીજાનું સ્વાગત કર્યું અને ભેટી પડ્યા. આ મુલાકાત પણ સમિટ દરમિયાન ચર્ચાનો વિષય બની.

મોદી અને ટ્રમ્પ વચ્ચે ખાનગી વાતચીત?

શિખર સંમેલનની ઔપચારિક શરૂઆત પહેલાં, વડા પ્રધાન મોદી અને રાષ્ટ્રપતિ ટ્રમ્પ વચ્ચે થોડી મિનિટો સુધી વાતચીત થઈ. આ એક ખાનગી વાતચીત હતી, અને તેના વિશે કોઈ વિગતવાર માહિતી જાહેર કરવામાં આવી ન હતી;  મીટિંગ પછી મળેલી માહિતી અનુસાર, વડા પ્રધાન મોદીએ ઓમાનના અખાતમાં જહાજ પર થયેલા હુમલા અને તેના પરિણામે ખલાસીઓના મૃત્યુનો મુદ્દો પણ ઉઠાવ્યો હતો.

બેઠક વ્યવસ્થા પણ ચર્ચાનો વિષય

G7 સમિટમાં, ફ્રાન્સે યુએસ રાષ્ટ્રપતિ ડોનાલ્ડ ટ્રમ્પની બાજુમાં વડા પ્રધાન નરેન્દ્ર મોદી માટે એક બેઠક ફાળવી હતી. જોકે ભારત G7નું કાયમી સભ્ય નથી, આ બેઠક વ્યવસ્થા ચર્ચાનો વિષય બની હતી. અહેવાલો અનુસાર, જ્યારે જૂથ G8 તરીકે કાર્યરત હતું ત્યારે આ બેઠક અગાઉ રશિયન રાષ્ટ્રપતિ વ્લાદિમીર પુતિન માટે નિયુક્ત કરવામાં આવી હતી. 2014 માં ક્રિમીઆના જોડાણ બાદ રશિયાને જૂથમાંથી હાંકી કાઢવામાં આવ્યું હતું, અને ત્યારથી તે G7 તરીકે કાર્યરત છે. આ કારણોસર, ભવિષ્યમાં ભારતને આ જૂથમાં કાયમી બેઠક મળી શકે છે કે કેમ તે અંગે કેટલાક વર્ગોમાં અટકળો પણ શરૂ થઈ છે.

સમિટ દરમિયાન પોતાના સંબોધનમાં, વડા પ્રધાન નરેન્દ્ર મોદીએ કહ્યું હતું કે, "આજના વિશ્વમાં, સૌથી મહત્ત્વપૂર્ણ વ્યૂહાત્મક સંપત્તિ ન તો ખનિજો છે, ન ટૅકનોલૉજી, ન બજારો, પરંતુ પરસ્પર વિશ્વાસ છે." વડા પ્રધાનના નિવેદનના વિવિધ રાજકીય અને રાજદ્વારી અર્થઘટન બહાર આવ્યા છે. જોકે, તેમણે પોતાના સંબોધનમાં કોઈ ચોક્કસ દેશનું નામ લીધું નથી. G7 સમિટમાં તેમની હાજરી, ડોનાલ્ડ ટ્રમ્પ સાથેની તેમની મુલાકાત અને વૈશ્વિક મુદ્દાઓ પર થયેલી ચર્ચાઓએ નોંધપાત્ર આંતરરાષ્ટ્રીય ધ્યાન ખેંચ્યું,