03 March, 2021 11:34 AM IST | Karachi | Gujarati Mid-day Correspondent
પ્રતીકાત્મક તસવીર
પાકિસ્તાનની સિંધ વિધાનસભાની અંદર પ્રધાનમંત્રી ઇમરાન ખાનની તહરિક-એ-ઇન્સાફ પાર્ટીના નેતા ઝઘડ્યા છે. સ્થિતિ એટલી હદ સુધી બગડી હતી કે નેતાઓ એકબીજાને જમીન પર પાડીને તેમની મારઝૂડ કરતા હતા. ઍસેમ્બ્લીની અંદરના અનેક વિડિયો સોશ્યલ મીડિયા પર વાઇરલ થઈ રહ્યા છે. આ ઘટના સીનેટ ચૂંટણીને લઈને બની હતી. ઉલ્લેખનીય છે કે પાર્ટીના ત્રણેય ધારાસભ્યો અસલમ આબરો, શહરયાર શાર અને કરી બક્ષ ગબોલે જાહેરાત કરી હતી કે પોતાની મરજી પ્રમાણે સીનેટ ચૂંટણીમાં વોટ આપશે.