યૉર્કશરમાં શ્રેષ્ઠ ડૉગીની સ્પર્ધામાં ભાગ લેવા વિક્ટોરિયન ક્રિસમસ થીમ પર તૈયાર ડૉગી

પાળેલાં પ્રાણીઓના માલિકોએ વ્યક્તિદીઠ એક પાઉન્ડની પ્રવેશ-ફી ચૂકવવાની રહેશે

ડૉગી

બ્રિટનના યૉર્કશરમાં શ્રેષ્ઠ ડૉગીની સ્પર્ધામાં ભાગ લેનાર તમામ બ્રીડ, કદ અને શેપના ડૉગી વિક્ટોરિયન ક્રિસમસ થીમ મુજબ શણગાર સજીને પરેડ કરી રહ્યા હોવાનું દૃશ્ય સાચે જ મનમોહક છે. પાળેલાં પ્રાણીઓના માલિકોએ વ્યક્તિદીઠ એક પાઉન્ડની પ્રવેશ-ફી ચૂકવવાની રહેશે, જે ‘નો મીટ ચૅરિટી’માં જમા થશે.  વિક્ટોરિયન ગાઉન, ફ્રીલવાળા ફ્રૉક અને શેરલોક હોમ્સ જેવા કોટ અને ટોપી સાથે સજ્જ ડૉગી જોવા ગમે એવા હતા. જે ડૉગી ફૅન્સી ડ્રેસ પહેરવાનું પસંદ ન કરતા હોય એને માત્ર હૅટ ક્રિસમસ પૅટર્નનો ગળાનો પટ્ટો કે બંદાના સાથે પણ લાવવાની છૂટ હતી. બધા ડૉગીને એના માલિકો ૪ જજની પૅનલ સામે કૅટવૉક કરાવતા હતા.