28 May, 2020 09:31 AM IST | Beijing | Agencies
પ્રતીકાત્મક તસવીર
ચીનમાં કોરોના વાઇરસે ફરી માથું ઊંચકતાં એક કેસ સહિત ૨૮ એસિમ્પ્ટોમેટિક (લક્ષણો વગરના) ચેપના કેસ સામે આવ્યા છે. આરોગ્ય વિભાગના અધિકારીએ આપેલી માહિતી મુજબ બુધવારે આ તમામ કેસ સામે આવ્યા હોવાનું જણાયું છે. નવા સામે આવેલા કેસ પૈકી મોટા ભાગના બાવીસ કેસ વુહાન શહેરમાંથી નોંધાયા છે. વુહાન શહેર અગાઉ કોરોના વાઇરસનું ઉદ્ભવ સ્થાન રહ્યું હતું. ચીનના નૅશનલ હેલ્થ કમિશન (એનએચસી)ના જણાવ્યા મુજબ કોરોનાનાં લક્ષણો સાથેનો એક કેસ તેમ જ ૨૮ લક્ષણો વગરના કેસ નોંધાયા છે. આ સાથે જ દેશમાં કુલ કેસ વધીને ૪૦૪ થઈ ગયા છે. આ તમામ કેસમાં ૨૭ વિદેશથી આવેલા લોકો છે જે તમામને મેડિકલ ઑબ્ઝર્વેશન હેઠળ રાખવામાં આવ્યા છે. ચીનમાં મોટા પાયે લક્ષણો વગરના કોરોનાના કેસની સંખ્યા વધતાં સત્તાધીશોએ ૧.૧૨ કરોડની વસ્તીનો ટેસ્ટ હાથ ધરાયો છે.