ફ્રેન્ડને પ્રપોઝ કરવા ૫૫ લાખ રૂપિયા ખર્ચીને ૯૯ આઇફોન ખરીદ્યા, પણ દાળ ગળી નહીં

ફ્રેન્ડને પ્રપોઝ કરવા ૫૫ લાખ રૂપિયા ખર્ચીને ૯૯ આઇફોન ખરીદ્યા, પણ દાળ ગળી નહીં

તેણે ઍપલ સ્ટોરમાંથી આઇફોન૬ના ૯૯ પીસ ખરીદ્યા હતા અને એ માટે ૫૫,૦૦૦ પાઉન્ડ એટલે કે આશરે પંચાવન લાખ રૂપિયા ખચ્ર્યા હતા. આ મોબાઇલનાં બધાં જ બૉક્સને તેણે એક મૉલની બહાર હાર્ટ શેપમાં ગોઠવ્યાં હતાં. એ પછી પોતાની ફ્રેન્ડને એ હાર્ટ શેપમાં બોલાવીને ફૂલોનો ગુચ્છો આપીને પ્રપોઝ કર્યું હતું. આ ઘટના વખતે તેણે પોતાના મિત્રોને પણ બોલાવ્યા હતા. જોકે છોકરીએ ફૂલો લઈને તેની લગ્નની પ્રપોઝલને ઠુકરાવી દીધી હતી એટલું જ નહીં, આવું કરીને તેને ક્ષોભમાં મૂકવા અને ટાઇમ વેસ્ટ કરવા બદલ એક ફોન લઈને જતી રહી હતી. હવે તે યુવક બાકીના મોબાઇલ વેચીને ખર્ચેલા પૈસા પાછા રિકવર કરવાની ચિંતામાં પડ્યો છે.