17 September, 2020 08:49 PM IST | Mumbai | Gujarati Mid-day Online Correspondent
ફાઈલ તસવીર
અમેરિકન સિંગર અને રૅપર કાન્યે વેસ્ટ (Kanye West)ના એક વીડિયોએ સોશ્યલ મીડિયામાં લોકોનું સેન્ટિમેન્ટ ખરાબ કર્યું છે. આમ તો આ વીડિયો આ સિંગરે પોત જ છે તેની કોઈ ખાતરી થઈ નથી. પરંતુ તેના અધિકૃત ટ્વીટર અકાઉન્ટમાં આ વીડિયો શૅર કરવામાં આવ્યો છે.
આ વીડિયોમાં વૈશ્વિક સ્તરે પ્રતિષ્ઠિત ગણાતો ગ્રેમી એવોર્ડ ટ્રોફી છે જે વોશરૂમના ટોઈલેટ પોટમાં અને તેના ઉપર કોઈ પેશાબ કરી રહ્યું છે.
વીડિયોમાં કૅપ્શન આપી, ‘જાણી લેજો હું આટલામાં જ રોકાઈશ નહીં.’ બુધવારે પણ આ ટ્વીટર ઉપર કોઈ મ્યુઝિક કોન્ટ્રેક્ટ્સના પાનાને શૅર કરીને કહ્યું હતું કે આધુનિક સમયમાં ગુલામીમાંથી મુક્ત થવા માગુ છું.
પેશાબના આ વીડિયો બાદ લોકોએ કાન્યે વિરુદ્ધ રોષ વ્યક્ત કર્યો છે. કાન્યે વેસ્ટે અન્ય એક ટ્વીટમાં કહ્યું હતું કે, મને ખબર છે કે કોઈ સિંગરને આવું કહેવાની મંજૂરી નથી. પણ હું ચૂપ ન રહી શકું. હું હંમેશાની જેમ કહેવા જઈ રહ્યો છું. અન્ય એક ટ્વીટમાં તેણે લખ્યું કે, મારા યુનિવર્સલ કોન્ટ્રેક્ટ્સ છે. હું ઈચ્છું છું કે વિશ્વના દરેક વકીલો તેને જોવે.