પતિને લગ્નનાં ૧૯ વર્ષ પછી પત્ની પુરુષ છે એવી જાણ થઈ

પતિને લગ્નનાં ૧૯ વર્ષ પછી પત્ની પુરુષ છે એવી જાણ થઈ

જોકે તેણે પતિથી આ વાત છુપાવીને રાખી હતી. ૧૯ વર્ષ સુધી મોનિકા આ હકીકત છુપાવવામાં સફળ થઈ હતી, પણ થોડા દિવસ પહેલાં જ તેની પોલ ખૂલી ગઈ હતી.

બ્રિટિશ અખબાર ધ ટેલિગ્રાફના અહેવાલ મુજબ બેલ્જિયમના વતની જેને ૧૯૯૩માં મોનિકા નામની ઇન્ડોનેશિયન મહિલા સાથે લગ્ન કયાર઼્ હતાં. એ પછી તેઓ મોનિકાને બેલ્જિયમ લઈ આવ્યા હતા. જેનનું કહેવું છે કે ‘અમારી વચ્ચે સામાન્ય પતિ-પત્ની જેવા જ સંબંધો હતા. મારી પત્ની પુરુષ છે તેનો મને સહેજ પણ ખ્યાલ આવ્યો ન હતો. મને ક્યારેય તેનામાં પુરુષ જેવાં લક્ષણો જોવા મળ્યાં ન હતાં. એટલું જ નહીં, સેક્સ દરમ્યાન પણ મને ક્યારેય આવી શંકા ગઈ ન હતી. મારી પહેલી પત્નીથી બે બાળકો હોવાથી અમે સંતાન પેદા નહીં કરવાનું નક્કી કર્યું હતું.’

જેનનું કહેવું છે કે તેના સૌથી મોટા દીકરાએ મોનિકાને નાઇટ ક્લબમાં અત્યંત ભડકાઉ વસ્ત્રોમાં અનેક વાર દેખી હતી. એ પછી એવી અફવા ફેલાઈ હતી કે મોનિકા સ્ત્રી નહીં પણ પુરુષ છે. જેને કહ્યું હતું કે મોનિકા પુરુષ છે એવી જાણ કરતા મેસેજ કેટલાક લોકોએ મને મોકલ્યા હતા. શરૂઆતમાં મેં આ મેસેજને સિરિયસલી લીધા ન હતા, પણ આખરે એક દિવસ મેં અત્યંત કડકાઈપૂર્વક પૂછપરછ કરતાં મોનિકાએ તે પુરુષ હોવાનું સ્વીકાર્યું હતું. મોનિકાના જણાવ્યા પ્રમાણે તે જન્મે છોકરો હતી, પણ બાદમાં તેણે સેક્સ ચેન્જ ઑપરેશન કરાવ્યું હતું. આ હકીકત બહાર આવ્યા બાદ આઘાતમાં સરી પડેલા જેનને મનોચિકિત્સકની સારવાર લેવી પડી હતી. આ સાથે તેણે ડિવૉર્સની પ્રોસીજર પણ શરૂ કરી દીધી છે.