31 August, 2012 06:02 AM IST |
વર્ષો બાદ દૃષ્ટિ પાછી મેળવવા બદલ ઑસ્ટ્રેલિયન મહિલાનો હરખ માતો નહોતો. તેને ક્યારેય આશા નહોતી કે તે ફરી જોઈ શકશે. જોકે તેણે હજી સંપૂર્ણ દૃષ્ટિ મેળવી નથી. અત્યારે તે અંશત: જોઈ શકે છે. જોકે વિજ્ઞાનીઓને ખાતરી છે કે તેઓ ટૂંક સમયમાં એવું ડિવાઇસ ડેવલપ કરી શકશે જેના દ્વારા નૉર્મલ આંખની જેમ જ જોઈ શકાશે. બાયોનિક આઇ ડેવલપ કરવામાં મહkવની ભૂમિકા ભજવનાર ડૉ. પેની ઍલને કહ્યું હતું કે આંખના પ્રત્યાર્પણનું ઑપરેશન અત્યંત સરળ છે એટલે દુનિયાભરમાં આંખના કોઈ પણ સજ્ર્યન આસાનીથી એ કરી શકશે. વર્લ્ડ હેલ્થ ઑર્ગેનાઇઝેશનના જણાવ્યા પ્રમાણે વિશ્વમાં જોઈ ન શકતા લોકોની સંખ્યા ૩.૯ કરોડ જેટલી છે, જ્યારે અંશત: દૃષ્ટિ ધરાવતા લોકોની સંખ્યા ૨૪ કરોડથી વધુ છે.
બાયોનિક આંખ ૨૪ ઇલેક્ટ્રૉડ્સ ધરાવે છે જેમાંનો એક વાયર કાનની પાછળના મગજના ભાગ સાથે જોડાયેલો રહે છે. આ આંખને રેટિના (નેત્રપટલ)ની બરાબર બાજુમાં ફિટ કરવામાં આવે છે. આ આંખ એની સામેનું દૃશ્ય ઝડપીને ઇલેક્ટિÿકલી રેટિનાને સક્રિય કરે છે. બાદમાં રેટિનાની મદદથી આ દૃશ્યો મગજને પહોંચતાં કરવામાં આવે છે