ઈરાન યુદ્ધમાં અમેરિકા એકલું પડી ગયું, ઇઝરાયલી દળો જમીન પર નહીં ઊતરે

જો અમેરિકા ઈરાનમાં ભૂમિ લશ્કરી કાર્યવાહી શરૂ કરે છે તો ઇઝરાયલી સૈનિકો સીધા ભાગ લેશે નહીં

ડોનલ્ડ ટ્રમ્પ

જો અમેરિકા ઈરાનમાં ભૂમિ લશ્કરી કાર્યવાહી શરૂ કરે છે તો ઇઝરાયલી સૈનિકો સીધા ભાગ લેશે નહીં. ઇઝરાયલી મીડિયા અહેવાલો અનુસાર અમેરિકા ઈરાનમાં ભૂમિ-કાર્યવાહીની તૈયારી કરી રહ્યું છે, પરંતુ નેતન્યાહુનાં દળો એમાં ભાગ લેશે નહીં. આ અહેવાલ સૂચવે છે કે અમેરિકાએ આ મિશનમાં એકલા કામ કરવું પડશે. જોકે એ સ્પષ્ટ કરવામાં આવ્યું નથી કે ઇઝરાયલ લશ્કરી હાજરી ઉપરાંત ગુપ્ત માહિતી એકત્રિત કરવા અથવા ટે​​​ક્નિકલ સહાય જેવાં અન્ય માધ્યમો દ્વારા અમેરિકાને મદદ કરશે કે નહીં.

નિષ્ણાતોના મતે ઇઝરાયલનું આ વલણ અનેક વ્યૂહાત્મક કારણોસર પ્રેરિત હોઈ શકે છે. એક મુખ્ય કારણ એ છે કે સીધા ભૂમિયુદ્ધમાં જોડાવાથી આ ક્ષેત્રમાં તનાવ ઝડપથી વધી શકે છે. વધુમાં, ઇઝરાયલ પહેલેથી જ પોતાના સુરક્ષા-પડકારોનો સામનો કરી રહ્યું છે અને સીધા મોટા યુદ્ધમાં કૂદવાનું ટાળવા માગે છે. બીજી બાજુ, આ પરિસ્થિતિ અમેરિકા માટે પડકારજનક બની શકે છે. જો એને મુખ્ય સાથી વિના ભૂમિ-કાર્યવાહી કરવી પડે તો લશ્કરી અને રાજકીય બન્ને રીતે જોખમો વધી શકે છે. ઈરાન જેવા મોટા અને શક્તિશાળી દેશ સામે ભૂમિ-યુદ્ધ છેડવું સરળ માનવામાં આવતું નથી અને એના માટે નોંધપાત્ર સંસાધનો અને વ્યૂહરચનાની જરૂર પડે છે.